სიახლეები

ფულადი პრემია მასწავლებლებს კარგი მოსწავლეებისთვის

23.12.2014 •
ფულადი პრემია მასწავლებლებს კარგი მოსწავლეებისთვის

 

 

მზევინარ იმედაშვილი
მზევინარ იმედაშვილი

მზევინარ იმედაშვილი ბათუმის #2 საჯარო სკოლაში 16 წელია მუშაობს, ის სკოლაში ინფორმატიკასა და ფიზიკას ასწავლის. მზევინარ იმედაშვილის მოსწავლე ოლიმპიადის შედეგებით საუკეთესო ათეულში მოხვდა.

 

„ინფორმატიკის ოლიმპიადაში საუკეთესო ათეულში მოსწავლის შესვლა ძალიან კარგი შედეგია, რადგან ამ მხრივ დიდია კონკურენცია. როცა გაკეთებულ საქმეს დაგიფასებენ, სასიამოვნოა. აქამდე მხოლოდ ბავშვები ჯილდოვდებოდნენ ოლიმპიადების შედეგებით, წელს არის პირველად, როცა მასწავლებელი დააჯილდოვეს. ეს, რა თქმა უნდა, წამახალისებელია, მასწავლებლები უფრო მეტს გააკეთებენ იმისთვის, რომ მათი მოსწავლეები იყვნენ საუკეთესოები. მატერიალური წახალისება კიდევ უფრო გაზრდის შედეგებს, თუმცა ვფიქრობ, მასწავლებლები ისედაც გულით ეკიდებიან თავის საქმეს. მე, მაგალითად, სულ არ ვიცოდი თუ წავხალისდებოდი, მაქსიმუმი გავაკეთე მაშინაც, მომავალშიც ასე გავაგრძელებ“, – ამბობს მზევინარ იმედაშვილი.

 

ინგა ჯაფარიძე
ინგა ჯაფარიძე

პრემია მოულოდნელი აღმოჩნდა #14 სკოლის რუსულის მასწავლებლისთვისაც. ინგა ჯაფარიძე #14 საჯარო სკოლაში უკვე 16 წელია ასწავლის. ინგა ჯაფარიძე: „წლების განმავლობაში აჩვენებენ ჩემი მოსწავლეები კარგ შედეგს ოლიმპიადაზე. პირველად მივიღეთ ამისთვის პრემია. წელს მესამე ტურში გადავიდა რამდენიმე მოსწავლე, ყველაზე კარგი შედეგი მესამე ტურში ჩემმა ერთმა მოსწავლემ, თამარ ქერქაძემ აჩვენა. მოტივაციას ზრდის მსგავსი წახალისება. მოგეხსენებათ მასწავლებლის ანაზღაურება რაც არის, სხვის დასანახავადაც ძალიან კარგია, მათ დაინახეს, რომ შრომა ფასდება. თავად მოსწავლემ 500-ლარიანი ვაუჩერი მიიღო კომპიუტერულ მაღაზიაში“.

 

გადაბეჭდვის წესი