Batumelebi | კონკურსი სამეცნიერო ბანაკის მონაწილეთა გამოსავლენად კონკურსი სამეცნიერო ბანაკის მონაწილეთა გამოსავლენად – Batumelebi
RU | GE  

კონკურსი სამეცნიერო ბანაკის მონაწილეთა გამოსავლენად

 

დღეს, ბათუმის №6 საჯარო სკოლაში, თურქეთის სამეცნიერო ბანაკის საზაფხულო პროგრამაში მონაწილეთა გამოსავლენად ბათუმის, ქობულეთის, ხელვაჩაურის, ქედის, შუახევისა და ხულოს რესურსცენტრების დაქვემდებარებაში არსებული საჯარო და კერძო სკოლების მე-9 კლასის მოსწავლეებს ტესტირება ჩაუტარდათ.

 

კონკურსში მონაწილეობისთვის ასამდე მეცხრეკლასელია რეგისტრირებული, რომელთა ბოლო სამი წლის წლიური შეფასებები დამრგვალების გარეშე 10 ქულას შეადგენს.

 

კონკურსის 12 გამარჯვებული ეყოლება, რომლებიც ტესტირებაში მაქსიმალური 60 ქულიდან საუკეთესო შეფასებებს მიიღებენ.


აჭარის განათლების სამინისტროს ინფორმაციით, თურქეთის სამეცნიერო ბანაკი ერთ-ერთია მსოფლიოს ოთხ სამეცნიერო ბანაკს შორის, დანარჩენი სამი კი აშშ-ში, კანადასა და ბელგიაშია განლაგებული. ბანაკის მიზანია ახალგაზრდების მეცნიერებითა და ტექნოლოგიებით დაინტერესების ხელშეწყობა.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"