Batumelebi | ართვინის გუბერნატორის ინფორმაციით, შესაძლოა ბათუმი და ხოფა სარკინიგზო გზით დაუკავშირდეს ერთმანეთს ართვინის გუბერნატორის ინფორმაციით, შესაძლოა ბათუმი და ხოფა სარკინიგზო გზით დაუკავშირდეს ერთმანეთს – Batumelebi
RU | GE  

ართვინის გუბერნატორის ინფორმაციით, შესაძლოა ბათუმი და ხოფა სარკინიგზო გზით დაუკავშირდეს ერთმანეთს


აჭარის მთავრობის თავმჯდომარე და მთავრობის წევრები 3 დღიანი ვიზიტით თურქეთში იმყოფებიან. აჭარის მთავრობის ოფიციალური ვებგვერდის ცნობით, მათ შეხვედრები გამართეს ართვინის, რიზესა და ტრაპიზონის მერებთან და გუბერნატორებთან. 

 

აჭარის მთავრობის წევრებმა ართვინის, რიზესა და ტრაპიზონის მერებთან და გუბერნატორებთან გამართეს შეხვედრები სამი სხვადასხვა რეგიონის ჯანდაცვის, განათლებისა და კულტურის, ასევე სპორტისა და ტურიზმის მიმართულებით.

 

აჭარის მთავრობის ვებგვერდის ცნობით, ართვინში შეხვედრისას საუბარი შეეხო საბაჟო გამშვები პუნქტისა და მაჭახლის ხეობაში არსებული სასაზღვრო პუნქტის საკითხს. თურქულმა მხარემ აჭარის ხელისუფლებას ცენტრალურ მთვარობასთან შუამავლობის თხოვნით მიმართა. არჩილ ხაბაძის განცხადებით, შეიქმნა სპეციალური კომისია, რომელიც შეისწავლის, რა დადებით გავლენას მოახდეს ეკონომიკაზე პუნქტის გახსნა.

 

გუბერნატორთან შეხვედრაზე სარკინიგზო მიმოსვლაზეც იყო საუბარი, ართვინის გუბერნატორის ინფორმაციით უკვე მუშაობენ, რომ ბათუმი ხოფა სარკინიგზო გზით დაუკავშირდეს ერთმანეთს. აჭარის მთავრობის წარმომადგენლები ართვინის მერს შეხვდნენ.   

ნეტგაზეთის მასალების სხვა გამოცემებში გადაბეჭდვის წესი
"ბათუმელები"