Batumelebi | აქცია “ოცნების ქალაქში”: მოვითხოვთ შეიქმნას ახალი, ობიექტური კომისია აქცია “ოცნების ქალაქში”: მოვითხოვთ შეიქმნას ახალი, ობიექტური კომისია – Batumelebi
RU | GE  

აქცია “ოცნების ქალაქში”: მოვითხოვთ შეიქმნას ახალი, ობიექტური კომისია

 

დღეს, 13 დეკემბერს, ე.წ. „ოცნების ქალაქში“, ყოფილი 53-ე ბატალიონის ტერიტორიაზე მცხოვრებმა მოქალაქეებმა აქცია გამართეს. ისინი აჭარის მთავრობის თავმჯდომარის, რჩილ ხაბაძის განცხადებას აპროტესტებენ, იმის თაობაზე, რომ „53-ე ბატალიონის ტერიტორიაზე მხოლოდ 60-70 ოჯახს უჭირს მატერალურად“ და აჭარის მთავრობას ახალი კომიის შექმნას და „ოცნების ქალაქში“ მცხოვრებთა მდგომარეობის შესწავლას სთხოვენ. 

 

„არჩილ ხაბაძეს აქვს არასწორი ინფორმაცია. ტელევიზიით რომ გამოდის და ამბობს, რომ იმ ოჯახებიდან მხოლოდ 60-70 ოჯახს უჭირსო, ეს ნიშნავს, რომ მთვარობა შეყვანილია შეცდომაში და ჩვენ ვითხოვთ ხელმეორედ გადამოწმებას. მოვითხოვთ, ხელმეორედ შეიქმნას კომისია მთავრობის მიერ, რომელშიც ჩართული იქნება ჩვენი მოსახლეობიდან რამდენიმე პირი, არასამთავრობო ორგანიზაციების წარმომადგენლები და მთავრობის წარმომადგენლები, რომ იყოს ობიექტური დასკვნა და არა ისეთი, როგორიც გასულ წელს მოამზადეს, არასწორი ინფორმაცია რომ მიაწოდეს მთავრობის წარმომადგენლებს. კარგია თუ კომისიაში იქნება ჩართული რამდენიმე ჟურნალისტი“ – განაცხადა „ბათუმელებთან“ როინ გუნდაძემ, აქციის მონაწილემ.

 

აქციის კიდევ ერთი მონაწილე, მარინა ბერიძე, ამბობს, რომ არჩილ ხაბაძის განცხადება სიმართლეს არ შეესაბამება და აჭარის მთავრობის თავმჯდომარე არ არის ინფორმირებული, რა პრობლემების წინაშე დგანან 53-ე ბატალიანის ტერიტორიაზე მცხოვრებნი:

 

„გაგვაოგნა არჩილ ხაბაძის გამოსვლამ, იმიტომ, რომ არასწორი ინფორმაცია აქვს ამ ადამიანს. მან თქვა, რომ აქ არის 60-მდე ოჯახი, რომლებიც დასაკმაყოფილებელიაო და ეს არის აბსოლუტური ტყუილი, იმიტომ, რომ აქ სიღარბის ზღვარს მიღმა მყოფი ოჯახები ცხოვრობენ, მათ სახელმწიფოს მიერ ქულები აქვთ მინიჭებული.

 

მე არ ვამბობ, ვისაც არ ეკუთვნის იმას მისცენ, ვისაც ეკუთვნის, მათ დაეხმარონ. უმრავლესობის მოთხოვნაა არსებული ფართების დაკანონება“ – ამბობს მარინა ბერიძე.

 

მისი თქმით, ამჟამად 53-ე ბატალიონის ტერიტორიაზე დაახლოებით ორი ათასი ოჯახი ცხოვრობს, „ბოლო დროს დაემატა გაჭირვებულები, 60 იჯახი მარტო წალკიდან ჩამოვიდა“ -ამბობს მარინა ბერიძე. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"