Batumelebi | ქედის გამგეობაში დაცვის თანამშრომელმა თავი მოიკლა ქედის გამგეობაში დაცვის თანამშრომელმა თავი მოიკლა – Batumelebi
RU | GE  

ქედის გამგეობაში დაცვის თანამშრომელმა თავი მოიკლა

 

არსებული ინფორმაციით ქედის მუნიციპალიტეტის გამგეობის შენობაში  დაცვის თანამშრომელმა თავი მოიკლა. შემთხვევა დღეს, 11 დეკემბერს ქედაში მოხდა. 

 

„მისი კუთვნილი ტაბელური იარაღით მოიკლა თავი. მისთვის გამოყოფილ მოსასვენებელ ოთახში შევიდა, კარი ჩაკეტა და გაისროლა. გასროლიდან რამდენიმე წუთში ვიპოვეთ მისი გვამი და გამოვიძახეთ პოლიცია. არავითარი ვერსია არ არსებობს თუ რა იყო თვითმკვლელობის მიზეზი.  34 წლის იყო. ძალიან  სამწუხარო ფაქტია და ვუსამძიმრებ ოჯახს,“ – განუცხადა „ბათუმელებს“ ქედის მუნიციპალიტეტის გამგებელმა დავით დუმბაძემ.

 

„აღძრულია  სისხლის სამართლის საქმე 115-ე მუხლით. ეს არის თვითმკვლელობამდე მიყვანა. თანამშრომლებთან და ოჯახის წევრებთან გასაუბრებით ამ ადამიანს არანაირი პრობლემა არ ჰქონდა,  ძალიან დადებითი პიროვნება იყო,“ – უთხრა „ბათუმელებს“ დაცვის პოლიციის საზოგადოებასთან ურთიერთობის სამსახურის ხელმძღვანელმა ელზა ჭაფოშვილმა. 

 

გარდაცვლილი აჭარის დაცვის პოლიციის სამმართველოს უმცროსი ინსპექტორი იყო.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"