ოზურგეთში მომხდარი მკვლელობის საქმეზე სამართალდამცველებმა გუშინ ღამით ბრალდებული დააკავეს. საუბარია 14 აგვისტოს შემთხვევაზე, როცა 30 წლის ქობულეთელი მამაკაცი ოზურგეთში, სოფელ ნაღობილევში მოკლეს.
შინაგან საქმეთა სამინისტროს პრესსამსახურის ინფორმაციით, სამართალდამცველებმა ბრალდებული ოზურგეთში დააკავეს. გამოძიება განზრახ მკვლელობის მუხლით მიმდინარეობს, რაც სასჯელის სახით 15 წლამდე თავისუფლების აღკვეთას ითვალისწინებს.