დღეს, 8 აგვისტოს, ბათუმში, რუსეთ-საქართველოს ომში დაღუპულთა სკვერში, ომში დაღუპულ გმირთა მემორიალი გაიხსნა. მემორიალთა აჭარის მთავრობისა და ბათუმის მერიის წარმომადგენლები შეიკრიბნენ.
აჭარის უმაღლესი საბჭოს თავმჯდომარე დავით გაბაიძემ, აჭარის მთავრობის თავმჯდომარე ზურაბ პატარაძემ, ბათუმის მერმა გიორგი ერმაკოვმა, რეგიონის მთავრობისა და ბათუმის მერიის წარმომადგენლებთან ერთად, რუსეთ-საქართველოს ომში დაღუპულთა მემორიალი გვირგვინებითა და ყვავილებით შეამკეს.
ბათუმის მერიის ინფორმაციით, ღონისძიებას ასევე ესწრებოდნენ აგვისტოს ომში დაღუპული ჯარისკაცების ოჯახის წევრები და საქართველოს შეიარაღებული ძალების წარმომადგენლები.
2008 წლის რუსეთ-საქართველოს აგვისტოს ომში, თავდაცვის სამინისტროს ინფორმაციით, 169 სამხედრო მოსამსახურე დაიღუპა, აქედან 17 ჯარისკაცი აჭარიდან იყო. მათ შორის ორი ბათუმიდან.
