Batumelebi | რკინიგზაში დასაქმებულთა აქცია ბათუმში რკინიგზაში დასაქმებულთა აქცია ბათუმში – Batumelebi
RU | GE  

რკინიგზაში დასაქმებულთა აქცია ბათუმში

 

ბათუმში რკინიგზის ადმინისტრაციის წინ რკინიგზაში დასაქმებულები მეოთხე დღეა  აქციას მართავენ. საქართველოს რკინიგზაში დასაქმებულები გაფიცვას მთელი ქვეყნის მასშტაბით აწყობენ. 

 

 

„სამ რამეს ვითხოვთ: ეს არის ზეგანაკვეთური სამუშაოს შემცირება, ხელფასის ნორმალური ბადის ჩამოყალიბება და მეცამეტე ხელფასი,“ – აცხადებს რკინიგზაში დასაქმებული და გაფიცვის ერთ-ერთი მონაწილე ნუგზარ მელიქაძე.

 

მისი თქმით გაფიცვას მანამ გააგრძელებენ სანამ საქართველოს რკინიგზასთან შეთანხმებას არ მიაღწევენ.

 

„რკინიგზის შემადგენლობა, ყველა სამსახური რკინიგზის გაფიცულია. ბლოკირებულია ყველა სამსახურები. სოლიდარობას გვიცხადებს სტუდენტობა, აჭარის პროფკავშირთა გაერთიანება, გაერთიანებული პროფკავშირები. ახლა ვინც მუშაობს, ისინი ადმინიტრაციასთან დაახლოებული ხალხია. მესამე-მეოთხე დღეა აბმევინებენ ხალხს მორიგეობას. ჩვენ დანებებას არ ვაპირებთ.  მუშათა კლასის მიერ არჩეული პროფკავშირების თავმჯდომარე, უშუალოდ ვიტალი გიორგაძე სანამ არ დაგვირეკავს რომ ყველაფერი მოლაპარაკებულია ბიჭებოო, ყველაფერი გადაწყვეტილიაო, მანამდე არ ვაპირებთ დაშლას,“ – აცხადებს ნუგზარ მელიქაძე.

 

საქართველოს რკინიგზაში დასაქმებულთა ნაწილი მეოთხე დღეა მთელი ქვეყნის მასშტაბით გაფიცულია.  

 

 

ფოტო: ტატო ცეცხლაძე

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"