დღეს 14 საატზე, სასტუმრო “ერა პალასში” აჭარის საზოგადოებრივი ჯანდაცვის ცენტრი სკოლის მოსწავლეებისთვის კონფერენციას გამართავს სახელწოდებით -’’რაც აუცილებლად უნდა ვიცოდეთ’’. კონფერენციის მიზანია მოზარდების ინფორმირება დაავადებების შესახებ და იგი ეხმაურება იმ ინფექციურ დაავადებებს, რომლებმაც ბოლო პერიოდში მსოფლიო მოიცვა, ძირითადად აქცენტი ინეფქციების გავრცელებაზე, მათთან დაკავშირებულ რისკებსა და თავის დაცვის საშუალებებზე გაკეთდება.
კონფერენციაზე წარმოდგენილი იქნება შემდეგი თემები: “ენტეროვირუსული მენინგიტი”; “გრიპი”; “ხელების დაბანა”; “წითელა” და “ებოლა”.
კონფერენციის ფარგლებში პრეზენტაციებს წარმოადგენენ: ბათუმის №1, N5, საჯარო სკოლების, სარფის საჯარო სკოლის, ზემო წინსვლის საჯარო სკოლის, წმ. ანდრია პირველწოდებულის სახელობის სკოლის IX – XI კლასის მოსწავლეები.
კონფერენციის მონაწილეებს გადაეცემათ სუვენირები და სამახსოვრო საჩუქრები.
