ბათუმისა და იურმალის დამეგობრების შესახებ ხელშეკრულების ხელმოწერის ცერემონიალი ბათუმი, 27. 11. 2014
„ორივე ქალაქი არის ისტორიულად ტურისტული, რომელშიც სიცოცხლე ჩქეფს ტურიზმის თვალსაზრისით და განსაკუთრებით კულტურული ღონისძიებების თვალსაზრისით. იურმალა არის ცნობილი ფესტივალის ყოველწლიური მასპინძელი. ძალიან მნიშვნელოვანი იყო ჩვენთვის იურმალის მაგალითის გაზიარება. შეგვიძლია გავიზიაროთ იურმალას გამოცდილება საერთაშორისო ფესტივალებთან დაკავშირებით. ხელშეკრულება გვაძლევს საშუალებას ამ საკითხთან დაკავშირებით სამომავლოდ შემდეგ ვიმსჯელოთ,“ – თქვა ბათუმის მერმა ხელმოწერის ცერემონიალის დასრულების შემდეგ.
მისი თქმით ხელშეკრულება პირველ რიგში კულტურულ ურთიერთობის გაღრმავებას ითვალისწინებს. ასევე ორ ქალაქს შორის თანამშრომლობა იქნება განათლების, სპორტის და ტურიზმის თვალსაზრისით.
ბათუმისა და იურმალის დამეგობრების შესახებ ხელშეკრულების ხელმოწერის ცერემონიალს საქართველოს პრეზიდენტი გიორგი მარგველაშვილი, ლატვიის პრეზიდენტი ანდრის ბერზინში და აჭარის მთავრობის თავმჯდომარე არჩილ ხაბაძე ესწრებოდნენ.
ბათუმისა და იურმალის დამეგობრების შესახებ ხელშეკრულების ხელმოწერის ცერემონიალი ბათუმი, 27. 11. 2014
