Batumelebi | ბათუმში აქციის მონაწილეებს მთავრობის თავმჯდომარე პასუხობს ბათუმში აქციის მონაწილეებს მთავრობის თავმჯდომარე პასუხობს – Batumelebi
RU | GE  

ბათუმში აქციის მონაწილეებს მთავრობის თავმჯდომარე პასუხობს

 

 დღეს, აჭარის ფინანსთა და ეკონომიკის სამინისტროსთნ იპოთეკარებმა და თამარის დასახლებაში, ქობულეთსა  და ხელვაჩაურის 25-ე ბატალიონში დროებით შესახლებულმა მოსახლეობამ აქცია გამართეს.

 

 იპოთეკარები მოითხოვენ დაბალპროცენტიან და გრძელვადიან  სესხებს, ხოლო თვითნებურად შესახლებულები კი ფინანსთა და ეკონომიკის სამინისტროს სთხოვდნენ ენერგო-პრო ჯორჯიასთან შუამდგომლობას, რათა მათ მიიღონ ელექტრო ენერგია, რომელიც მათი თქმით, სამი წლის განმავლობაში არ მიეწოდებათ.

 

„თუ არ დაგვაკმაყოფილებენ, ჩვენ გადავალთ ფართო მაშტაბან აქციებზე და დავიწყებთ შიმშილობას. არ გვაქვს დენი და არც წყალი, დამიავადდა მცირეწლოვანი ბავშები. ჩვენი მოთხოვნაა ჩაგვირთონ დენი მაგრამ ისინი გვპასუხობენ რომ, გაყიდულია ეს შენობა და თუ რაიმე ხერხს მივმართვთ და ჩვენით ჩავირთავთ დენს, მოვლენ და ჩაგვიხსნიან,“-ამბობს აქციის ერთ-ერთი მონაწილე რევაზ დიასამიძე.

 

ამასთან დაკავშირებით ჟურნალისტებთან კომენტარი გააკეთა მთავრობის თავმჯდომარე, არჩილ ხაბაძემ, „ მე კიდევ ერთხელ ვამბობ რომ იყო მხოლოდ ქობულეთთან დაკავშირებით დაპირება და მხოლოდ მათგან მივიღებ პრეტენზიას. ჩენ გვაქვს ინდივიდუალური მიდგომა და ვუწევთ ანგარიშს ბანკებთან, აღმასრულებლებთან და სხვა დაწესებულებებთან. იპოთეკარების თითქმის 80 % დავეხმარეთ ჩვენ უკვე და აქციის ჩატარებას არავინ არ უშლის მათ, მაგრამ თუ კანონს დაარღვევენ მიიღებენ შესაბამის  რეაგირებას მთავრობისგან და სანართალდამცავ ორგანოებისგან,“-განაცხადა არჩილ ხაბაძემ.

 

ნეტგაზეთის მასალების სხვა გამოცემებში გადაბეჭდვის წესი
თაკო ათაბაგი (მოხალისე)