Batumelebi | დასავლეთ საქართველოს ახალი მუფტი: მეჯლისთა საბჭომ მე დამიჭირა მხარი დასავლეთ საქართველოს ახალი მუფტი: მეჯლისთა საბჭომ მე დამიჭირა მხარი – Batumelebi
RU | GE  

დასავლეთ საქართველოს ახალი მუფტი: მეჯლისთა საბჭომ მე დამიჭირა მხარი

 

ბეგლარ ქამაშიძის თქმით, ის ამ დრომდე ხელვაჩაურის მუფტი იყო და დღეიდან „სრულიად საქართველოს მუფტი გახდება“. „მეჯლისთა საბჭომ მე დამიჭარა მხარი, რას შევცვლი ეს უახლოეს მომავალში გამოჩნდება.“ 

აჭარის ყოფილი მუფტის ჯემალ პაქსაძის განმარტებით კი, ის არ გადაუყენებიათ და გადადგომაზე გადაწყვეტილება თავად მიიღო.

ბეგლარ ქამაშიძე – მუფტი

ცოტა ხნის წინ ჯემალ პაქსაძემ „ბათუმელებს“ განუცხადა, რომ გადადგომას არ აპირებდა. ეს კითხვა მას შემდეგ დავუსვით ყოფილ მუფტს, რაც მისი გადაყენების მოთხოვნით მრევლმა ხელმოწერების შეგროვება დაიწყო. მრევლის თქმით, მათი გაღიზიანება გამოიწვია იმან, რომ სოფელ მოხეში ყოფილი მეჩეთის შენობაში ბიბლიოთეკის განთავსებაზე ჯემალ პაქსაძემ თანხმობა განაცხადა. თუმცა, ინფორმაციას იმის შესახებ, რომ მისი გადაყენების მოთხოვნით ხელმოწერები გროვდებოდა და არც იმას, რომ მან მისცა ხელისუფლებას თანხმობა ყოფილი მეჩეთის შენობაში ბიბლიოთეკის განთავსებაზე, ჯემალ პაქსაზე არ ადასტურებდა.

გარდა ამისა, ბოლო დროს ჯემალ პაქსაზე კიდევ ერთ სკანდალში გაეხვა, როდესაც მან და კიდევ რამდენიმე მუფტმა ხელი მოაწერეს დოკუმენტს, რომლის მიხედვითაც ისინი პრემიერ-მინისტრ ირაკლი ღარიბაშვილს ბათუმში მეჩეთის აშენების სანაცვლოდ სამუფტო რეზიდენციისა და მედრესეს აშენებას სთხოვდნენ.

ამონარიდი ღარიბაშვილისადმი გაგზავნილი მიმართვის ტექსტიდან

ამონარიდი ღარიბაშვილისადმი გაგზავნილი მიმართვის ტექსტიდან

ამ დოკუმენტზე ახლანდელი მუფტის ბეგლარ ქამაშიძის ხელმოწერაც არის დაფიქსირებული.

დოკუმეტის გასაჯაროების შემდეგ ითქვა, რომ მუფტებმა ზეწოლის პირობებში მოაწერეს ხელი მიმართვის ტექსტს. თუმცა, თავის დროზე ჯემალ პაქსაზემ ეს ინფორმაციაც არ დაადასტურა.

ნეტგაზეთის მასალების სხვა გამოცემებში გადაბეჭდვის წესი
Nana Kvachadze