აჭარის მუფტის ჯემალ პაქსაძის განმარტებით, ის არ გადაუყენებიათ და გადადგომაზე გადაწყვეტილება თავად მიიღო.
„ჯანმრთელობის გაუარესების გამო მივიღე ეს გადაწყვეტილება, ბოლო დროს ორჯერ ვიწექი კლინიკა „მედინაში“. მე მივმართე ჩვენს საბჭოს, რომელმაც ჩემი გადადგომის შემდეგ მუფტის თანამდებობაზე ბეგლარ ქამაშიძეს მისცა კურთხევა“.
ბეგლარ ქამაშიძის თქმით, ის ამ დრომდე ხელვაჩაურის მუფტი იყო და დღეიდან „სრულიად საქართველოს მუფტი გახდება“.
