Batumelebi | კონკურსი ბათუმის მერიაში მოქმედმა საჯრო მოხელეებმა ვერ გადალახეს კონკურსი ბათუმის მერიაში მოქმედმა საჯრო მოხელეებმა ვერ გადალახეს – Batumelebi
RU | GE  

კონკურსი ბათუმის მერიაში მოქმედმა საჯრო მოხელეებმა ვერ გადალახეს

 

ბათუმის მერიაში საჯარო მოხელის თანამდებობებზე გამოცხადებული კონკურისის პირველი ეტაპი, რაც კონკურსანტების შერჩევას  მათ მიერ წადგენილი საიდენთიფიკაციო და კვალიფიკაციის შესახებ დოკუმენტების მიხედვით ითვალისწინებდა მერიის მოქმედმა თანამშრომლებმა ვერ გადალახეს. ამის შესახებ ინფორმაცია „ბათუმელებს“  საკონკურსო კომისიის თავმჯდომარის მოადგილემ ნუკრი დეკანაძემ დაუდასტურა.

 

 

 „ ექვსმა მათგანმა, ვინც დღეს მერიაში საჯარო მოხელის თანამდებობაზე მოვალეობის შემსრულებლად მუშაობს კონკურსის პირველი ეტაპი ვერ გადალახა. მათ სახელებს ვერ დაგისახელებთ, კონფიდენციალურია.“

 

კომისიამ 2996 განაცხადიდან მეორე ეტაპისთვის  2005 -მდე განაცხადი შეარჩია. ბათუმის მერიაში კონკურსი 98 ვაკანსიაზეა გამოცხადებული.

 

კომიისიის თავმჯდომარის მოადგილის ინფორმაციით ბევრ კონკურსანტს შესაბამის საიტზე სხვა დოკუმენტებთან ერთად პირადობის დამადასტურებელი მოწმობა არ ქონდა ატვირთული. კომისიის წევრების გადაწყვეტილებით ეს დარღვევა კონკურსანტებს ხარვეზად არ ჩაუთვალეს.

 

„ ვინაიდან შეიძლებოდა მათი იდენტიფიცირება პროგრამულად, კომისია დათმობაზე წავიდა. თუმცა კონკურსანტი, რომელსაც უმაღლესი განათლების დამადასტურებელი ან სამუშაო გამოცდილების შესახებ დოკუმენტი არ ქონდა ატვირთული კონკურსიდან მოიხსნა. მოიხსნენ ის კონკურსანტებიც, რმლებმაც ხუთზე მეტი ვაკანსია მიუთითეს.“

 

კონკურსის მეორე ეტაპს, რაც ტესტირებას ითვალისწინებს იუსტიციის სახლი  25- 26 ნოემბერს ჩაატარებს.  შეტყობინება უკვე გადაეგზავნათ კონკურსანტებს, რომლებიც ტესტირებას 25 ნოემბერს გაივლიან.  

 

ტესტირების შემდეგ საბოლოო გადაწყვეტილებას კომისია კონკურსანტებთან გასაუბრების შედეგად მიიღებს.

 

 

 

ბათუმის მერია
ბათუმის მერია

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე