Batumelebi | ღარიბაშვილი:”ჩვენ 80 საწარმო გავხსენით” ღარიბაშვილი:”ჩვენ 80 საწარმო გავხსენით” – Batumelebi
RU | GE  

ღარიბაშვილი:”ჩვენ 80 საწარმო გავხსენით”

 

დღეს 22 ნოემბერს საქართველოს პრემიერ მინისტრმა ირაკლი ღარიბაშვილმა ქედაში თანამედროვე სტანდარტების აღჭურვილი შ.პ.ს „კახური ტრადიციული მეღვინეობის“ მიერ მოწყობილი ღვინის საწარმო გახსნა.

 

 პრემიერის განცხადებით ამ საწარმოს გახსნით საქართველოში რიგით მეოთხმოცე საწარმო გაიხსნა, მან აქვე აღნიშნა, რომ ბოლო ორი წლის განმავლობაში ღვინის ექსპორტი 250%–ით გაიზარდა.

 

„ჩვენ შეღავათიანი კრედიტი გამოვუყავით “კახური ტრადიციების მეღვინეობის” კომპანიას და კიდევ ერთი ძალიან კარგი ქარხანა გაიხსნა ქედაში. ბოლო ორი წლის განმავლობაში მევენახეების რთველიდან მიღებულმა შემოსავალმა შეადგინა 300 მილიონ ლარზე მეტი.  ეს არის უდიდესი წარმატება და მიღწევა ჩვენი მოსახლეობის,

მნიშვნელოვნად გაიზარდა ქარული ღვინის ექსპორტი, 2 წლის განმავლობაში 42 ქვეყანაში ღვინის ექსპორტი გაიზარდა 250 %–ით.

 

მე მინდა ვისარგებლო შემხვევით,  მოვუწოდო კერძო სექტორს, ბიზნესმენებს, რომ აიღონ მაგალითი ამ კომპანიისგან, ჩვენ სახელმწიფო მაქსიმალურად გვერდში ვუდგავართ კერძო სექტორს, დღეს კერძო ბიზნესი   თავისუფალია და ის პირობები რაც ჩვენგან შექმნილია არის უნიკალური.

 

ეს არის რიგით მეოთხმოცე საწარმო, ჩვენ ამ ორი წლის განმავლობაში 80 საწარმო გავხსენით და დავაფინასეთ, 490 ზე მეტმა საწარმომ შეძლო გადაიარაღება და განახლება“ – განაცხადა პრემიერ მინისტრმა საწარმოს გახსნისას.

საწარმოს გახსნის შემდეგ პრემიერმა ღვინის  საწარმოს მფლობელ შეპესეს დირექტორთან ზურაბ ჩხაიძესთან ერთად მონაწილეობა მიიღო ხილის გადამამუშავებელი ქარხნის მშენებლობის დაწყების პროცესში.

შ.პ.ს „კახური ტრადიციული მეღვინეობის“ დირექტორის ზურაბ ჩხაიძის განცხადებით ხილის გადამამუშავებელი საწარმო ქედაში ოთხ თვეში გაიხსნება.

საწარმოს გახსნისა და ახალი საწარმოს მშენებლობის მონახულების შემდეგ პრემიერ მინისტრი დამსწრე საზოგადოებასთან ერთად  საზეიმოდ მოწყობილ აკავრეთას პარკში გადაინაცვლა, სადაც მოსახლეობამ დღეს „ქედელობა- 2014“ იზეიმა.

საწარმოს გახსნასა და ქედელობის ზეიმს პრემიერთან ერთად აჭარის მთავრობის თავმჯდომარე, სოფლის მეორნეობის მინისტრი, სამღვდელოება და ადგილობრივი ხელისუფლების წარმომადგენლები დაესწრო.

 

ნეტგაზეთის მასალების სხვა გამოცემებში გადაბეჭდვის წესი
ეკა ბარამიძე