სიახლეები

თოჯინების თეატრის რემონტზე 200 ათასი ლარი დაიხარჯება

11.11.2014 • 1238
თოჯინების თეატრის რემონტზე 200 ათასი ლარი დაიხარჯება

 

თოჯინების თეატრის სარეკონსტრუქციოდ, სახელმწიფო ბიუჯეტიდან 1 163 226,28 ლარია უკვე დახარჯა, თუმცა სამუშაოების უხარისხოდ შესრულების გამო, თეატრის შენობა ისევ გასარემონტებელია.

 

მიმდინარე წლის თებერვალში, საქართველოს ფინანსთა სამინისტროს საგამოძიებო სამსახურმა შპს “თექ-ევ ინშაათის” დირექტორს ჰალილ ექშის და კიდევ რამდენიმე პირს, რომელიც თოჯინების თეატრის სარეკონსტრუქციო სამუშაოებს აწარმოებდნენ, დიდი ოდენობით სახელმწიფო თანხების მითვისების გამო ბრალი წაუყენა. ჰალილ ექში ამ დრომდე მიმალვაში იყო და მხოლოდ სამ ნოემბერს, აზერბაიჯანში საზღვრის კვეთის დროს დააკავეს.

 

 გამოძიება სამსახურეობრივი უფლებამოსილების ბოროტად  გამოყენებას ედავება თოჯინების თეატრის მმართველს, მედეა ჩარკვიანსაც. მას აღმკვეთი ღონისძიების სახით გირაო შეუფარდეს. საქმეს ბათუმის საქალაქო სასამართლო განიხილავს. 


ვიდეო “ბათუმელების” არქივიდან


გადაბეჭდვის წესი