Batumelebi | სასამართლომ ბათუმში ქუჩის დაბინძურებისთვის 36 ადამიანი დააჯარიმა სასამართლომ ბათუმში ქუჩის დაბინძურებისთვის 36 ადამიანი დააჯარიმა – Batumelebi
RU | GE  

სასამართლომ ბათუმში ქუჩის დაბინძურებისთვის 36 ადამიანი დააჯარიმა

 

ბათუმში ქუჩაში ნაგვის დაყრისთვის დაჯარიმებული მოქალაქეების რიცხვი, გასულ წელთან შედარებით, გასამმაგდა. 

 

ბათუმის საქალაქო სასამართლოს მიერ  მოწოდებული  ინფორმაციით, ბათუმში გარემოს (ქუჩების) დაბინძურების გამო 2014 წლის პირველი იანვრიდან დღემდე  36 ფიზიკური  და 1  იურიდიული პირი დაჯარიმდა.  2013 წელს  საქალაქო სასამართლომ ქუჩების დაბინძურებისთვის მხოლოდ 11 ფიზიკური პირი დააჯარიმა. 

 

აჭარის გარემოს დაცვის ზედამხედველობითი ინსპექციის იურისტის, ქეთი ჯორბენაძის განმარტებით „დასუფთავების წესების დარღვევა ადმინისტრაციული კანონის 140-ე პრიმა 2 მუხლით ისჯება.  ფიზიკური პირი 200 ლარით, ხოლო იურიდიული პირები და დაწესებულებები 1000 ლარით დაჯარიმდებიან . ამას ემატება ჯარიმა იმ ზიანის სანაცლოდ რა ზიანიც კონკრეტული ქმედების გამო გარემოს მიადგა.

 

 განმეორებით ფიზიკური პირის მიერ გარემოს დაბინძურება ისჯება 500 ლარით, იურიდიული პირების შემთხვევაში კი 3 ათასი ლარით.“

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"