„შავი ზღვის ჯაზ-ფესტივალისთვის“ აჭარის განათლების, კულტურისა და სპორტის სამინისტრო ეკრანით მომსახურებაში 50 ათას ლარამდე გადაიხდის. ეკრანით [რომლის ზომა 95 კვ/მ-ზე ნაკლები არ უნდა იყოს] მომსახურების შესყიდვას, სამინისტრო გამარტივებული ელექტრონული ტენდერით განახორციელებს.
მიმწოდებელმა უნდა უზრუნველყოს 2017 წლის 27 ივლისიდან 1-ელი აგვისტოს პერიოდში „შავი ზღვის ჯაზ-ფესტივალის“ ფარგლებში ეკრანით მომსახურება – ქალაქ ბათუმში, ზღვისპირა ბულვარში მდებარე ჩოგბურთის მოედანზე [კორტები].
„შავი ზღვის ჯაზ-ფესტივალი“ ბათუმში ბოლო რამდენიმე წელია იმართება. წელს ბათუმი ფესტივალს მეთერთმეტედ უმასპინძლებს.
მთავარი ფოტო: „შავი ზღვის ჯაზ-ფესტივალი“, „ბათუმელების“ არქივიდან.