Batumelebi | მუსლიმთა პანსიონის ბედს პრემიერ-მინისტრი გადაწყვეტს მუსლიმთა პანსიონის ბედს პრემიერ-მინისტრი გადაწყვეტს – Batumelebi
RU | GE  

მუსლიმთა პანსიონის ბედს პრემიერ-მინისტრი გადაწყვეტს

 

ქობულეთში, ლერმონტოვის 13-ში არსებული მუსლიმური სკოლა-პანსიონის ხელმძღვანელები სასწავლო პროცესის განახლებას პრემიერ-მინისტრთან შეხვედრის შემდეგ აპირებენ. ორგანიზაცია „ქართველ მუსლიმანთა ურთიერთობის“  თავმჯდომარის რამაზ კაკალაძის განცხადებით, აჭარის მთავრობის თავმჯდომარე არჩილ ხაბაძე და აჭარის მუფთი, პრემიერ-მინისტრს 20 ოქტომბრამდე უნდა შეხვდნენ. 

 

 

 

 

„შენობიდან არანაირი ნივთების გატანა არ ხდება, არასწორი ინფორმაცია გავრცელდა. შენობაც ჩვენია და ნივთებიც. არავითარ შემთხვევაში არ დავცლით, არც ვაპირებთ. სასწავლებელი აუცილებლად უნდა გავხსნათ, უბრალოდ არჩილ ხაბაძემ გვითხრა, რომ 20-მდე პრემიერს უნდა შევხვდეთ და დაგველოდეთ, ყველაფერი გადაწყდება იქ, კანონის ფარგლებშიო. ამის გამო ვართ ჩვენ ჯერ-ჯერობით გაჩერებული“- აცხადებს „ბათუმელებთან“ სატელეფონო საუბარში რამაზ კაკალაძე. 

 

რამაზ კაკალაძე ამბობს, რომ პრემიერთან შეხვედრის საკითხს ოპტიმისტურად უყურებს: „დარწმუნებული ვარ სასწავლებელი გაიხსნება“. 

 

 

ამჟამად პანსიონში სწავლა არ მიმდინარეობს და მხოლოდ ერთი ადამიანი მორიგეობს შენობაში. მუსლიმურ პანსიონში სწავლა  15 სექტემბერს უნდა დაწყებულიყო, თუმცა სასწავლებლის გახსნას ხელი ადგილობრივმა ქრისტიანმა  მოსახლეობამ შეუშალა. მათი განცხადებით, ქრისტიანულ დასახლებაში მუსლიმური პანსიონი არ უნდა ფუნქციონირებდეს. 

 

სასწავლებლის გახსნას ინცინდენტიც მოჰყვა, ადგილობრივებმა მუსლიმური სასწავლებლის კარზე ღორის თავი მიაჭედეს. 

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე