My Batumi – რესტორანი ზღვისპირას უგემრიელესი კერძებით

ზაფხულში ზღვისპირას რომანტიკული ვახშამი ან მეგობრებთან ერთად გართობა დღის იდეალური დასასრული შეიძლება იყოს, თუმცა იდეალურ საღამოს იდეალური ადგილი სჭირდება, ასეთი კი ბათუმში მხოლოდ რესტორანი „ჩემი ბათუმია“.

ბათუმის შემოსასვლელში რესტორან „ჩემი ბათუმის“ აბრას და ფართოდ გაღებულ ალაყაფის კარს ქართულ ტრადიციულ გარემოში შეჰყავხართ. ქართული ორნამენტებითა და დეტალებით გაფორმებული ინტერიერი შესვლისთანავე სასიამოვნო განწყობას გიქმნის.

ჩახოხბილი, ჩაქონდრილი, ჩაქაფული, ჩალაღაჯი, ჩქმერული და ჩიხირთმა, წიწილა მაყვლის წვენში,  ორაგულის მწვადი, ნიგვზიანი ბადრიჯანი და აჭარული ხაჭაპური – ეს იმ კერძების არასრული ჩამონათვალია, რომელთა დაგემოვნებაც შეგიძლიათ რესტორანში.

თუ საღამოს მეგობრებთან ერთად ლუდის დალევა გსურთ, მაგრამ არ იცით სად წახვიდეთ, ან ფიქრობთ, რომ საკმარისი ფული არ გაქვთ, სულ ტყუილად – „ჩემს ბათუმში“  საკმაოდ ხელმისაწვდომი ფასებია. შეგიძლიათ მიხვიდეთ, ღია ტერასაზე დასხდეთ, ცივი ლუდი დალიოთ და ბათუმისა და ზღვის ხედებით დატკბეთ.

თუ ლუდის დალევა უშუალოდ ზღვის სანაპიროზე მოგინდებათ, არც ესაა პრობლემა. ტერასა ზღვის ნაპირასაა, რესტორნის პერსონალი კი მზადაა სანაპიროზეც მოგემსახუროთ.

თუ უცხოელი სტუმრები გყავთ და არ იცით სად წაიყვანოთ, რესტორან „ჩემს ბათუმში“ უნდა მიიყვანოთ. ქართული სიმღერის მოსმენა და ტრადიციული ცეკვების ნახვა დღესდღეობით ბათუმში მხოლოდ ამ რესტორანშია შესაძლებელი. თქვენი უცხოელი მეგობრები გემრიელი კერძების დაგემოვნებასთან ერთად „დაისს“, „აჭარულსა“ და „მთიულურსაც“ ნახავენ პროფესიონალი მოცეკვავეების შესრულებით.

რესტორანს აქვს პარკინგი, ასევე სტუმრებს შეუძლიათ საზღვაო ქოლგითა და შეზლონგით უფასოდ ისარგებლონ. რესტორნის პერსონალი ყოველდღიურად ასუფთავებს მიმდებარე ტერიტორიას, შესაბამისად, პლაჟი რესტორანთან სუფთა და მოვლილია.

და რაც ყველაზე მთავარია – რესტორნის ყველა სტუმარს აქვს საშუალება, უგემრიელესი ქართული ტრადიციული  კერძები დააგემოვნოს.  რესტორნის სამზარეულოში მხოლოდ ახალი, მაღალი ხარისხის, ნატურალური პროდუქტია. მაგალითისთვის ღორის ხორცი კახეთიდან ჩამოაქვთ, ხბოს ხორცი – ზესტაფონიდან.

„ჩემი ბათუმი“ ის ადგილია, რომელსაც აუცილებლად უნდა ესტუმროთ.

მაგიდების დასაჯავშნად დაგვიკავშირდით: 557 91 50 50