Batumelebi | ოთხი ლარი 142 ათასი მანეთის საკომპენსაციოდ ოთხი ლარი 142 ათასი მანეთის საკომპენსაციოდ – Batumelebi
RU | GE  

ოთხი ლარი 142 ათასი მანეთის საკომპენსაციოდ

 

დღეს, 6 ოქტომბერს, ბათუმში, საკონსტიტუციო სასამართლოში  განმწესრიგებელი სხდომა გაიმართა. საქართველოს მოქალაქე იოსებ  კარანაძემ სარჩელი საქართველოს მთავრობისა და საქართველოს ეროვნული ბანკის წინააღმდეგ შეიტანა. იოსებ კარანაძე 90-იან წლებში ბანკში  შენახული 142 843 მანეთის კომპენსაციას ითხოვს, სახელმწიფო კი კომპენსაციის სახით ოთხ ლარს სთავაზობს  

 

„აღნიშნულ მოქალაქეს 90-იან  წლებში ბანკში შენახული ჰქონდა თანხა მანეთებში. მანეთის კუპონით ჩანაცვლების შემდეგ, შემოვიდა სადავო ნორმა, რომელიც ავალდებულებდა საბანკო დაწესებულებებს, რომ მანეთი გადაეცვალათ კუპონებში  ერთი-ერთზე. ანუ ერთ მანეთში, მოქალაქე მიიღებდა ერთ კუპონს. თუმცა, ამის შემდეგ მოხდა კუპონის ინფლაცია“ – ამბობს საკონსტიტუციო სასამართლოს მრჩეველი გიორგი სულხანიშვილი.

 

მისივე ინფორმაციით, მოქალაქე იოსებ კარანაძეს საკონსტიტუციო სასამართლო ანაბრების საკომპენსაციოდ ოთხს ლარს სთავაზობს:   

 

„დღევანდელი კურსით მოქალაქის მიერ მოთხოვნილი თანხა, ლარში კონვენტირებისას შეადგენს ოთხ ლარს. ბუნებრივია ეს შეთავაზება მას არ აწყობს და ამბობს, რომ გაცილებით მეტი ეკუთვნის. მას მიაჩნია, რომ სადაო ნორმები ეწინააღმდეგება მის საკუთრების უფლებას, რომელიც კონსტიტუციის 30-ე მუხლშია დაცული“-ამბობს გიორგი სულხანიშვილი.

 

საკონსტიტუციო სასამართლო აღნიშნულ საკითხზე გადაწყვეტილებას დღეს გამოიტანს. 

 

 

სასამართლო სხდომა

 

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"