Batumelebi | ხაბაძემ მურმან დუმბაძის ჯგუფის კიდევ ერთი წევრი გაათავისუფლა ხაბაძემ მურმან დუმბაძის ჯგუფის კიდევ ერთი წევრი გაათავისუფლა – Batumelebi
RU | GE  

ხაბაძემ მურმან დუმბაძის ჯგუფის კიდევ ერთი წევრი გაათავისუფლა

 

სამსახურიდან დაითხოვეს აჭარის მთავრობის თავმჯდომარის კაბინეტის უფროსი ნუგზარ კეკელიძე. მისი ინფორმაციით, გათავისუფლების ოფიციალური მიზეზი კაბინეტის უფროსის თანამდებობის გაუქმებაა. 

ნუგზარ კეკელიძის თქმით, მან იცოდა, რომ გაათავისუფლებდნენ: „ამის მოლოდინი მქონდა იმ დროიდან, როცა დაიწყეს რეორგანიზაცია, გააუქმეს ადმინისტრაციის უფროსის თანამდებობა და მე კაბინეტის უროსის თანამდებობაბაზე გადამიყვანეს. ცოტა ხნით ასე შემინარჩუნეს. ახლა კი კაბინეტის უფროსის თანამდებობაც გააუქმეს“.

 

ნუგზარ კეკელიძე
ნუგზარ კეკელიძე

 

 

ნუგზარ კეკელიძემ მთავრობას სახელმწიფოს კუთვნილი მანქანა და სხვა ნივთები გუშინ ჩააბარა და მთავრობის აპარატი  დატოვა.

 

ნუგზარ კეკელიძე აჭარის მთავრობაში ყოველთვის მოიაზრებოდა როგორც საქართველოს პარლამენტის ვიცე-სპიკერის, მურმან დუმბაძის გუნდის წევრი. ამას ნუგზარ კეკელიძე გარკვეულწილად ადასტურებს კიდეც: „შეიძლება მასეც ითქვას, ეს იყო ბრძოლა ჩვენი ჯგუფის წინააღმდეგ და ბოლო ადამიანი ვიყავი მთავრობაში ამ ჯგუფიდან დარჩენილი და მეც გამათავისუფლეს“. 

 

ნუგზარ კეკელიძის თქმით, აჭარის მთავრობის მუშაობის შესახებ ის აქტიურად აწვდიდიდა ინფრომაციას, როგორც პრემიერ-მინისტრის აპარატს, შეხვედრები ჰქონდა უშიშროებასთანაც, რაც, სავარაუდოდ, მისი გათავისუფლების მიზეზი შეიძლება გამხდარიყო.

 

არჩილ ხაბაძემ ბოლო ორი თვის განმავლობაში აჭარის მთავრობაში არაერთი საკადრო ცვლილება განახორციელა, რამაც ხელისუფლებებს შორის დაპირისპირება გამოიწვია. უმაღლესმა საბჭომ განაცხადა, რომ ეს იყო ბრძოლა მურმან დუმბაძის გუნდის წინააღმდეგ და საპასუხოდ აჭარის მთავრობის მიმართ უნდობლობის გამოცხადების პროცედურა დაიწყო. საქმეში ჩაერთო საქართველოს უმაღლესი ხელისუფლება და პარტია „ქართული ოცნების“ პოლიტსაბჭომ მურმან დუმბაძე პარტიიდან გარიცხა. თავად მურმან დუმბაძემ კი განაცხადა, რომ სახელისუფო პარტია თავად დატოვა.

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე