Batumelebi | სოფელ სიმონეთში მეწყერი ჩამოწვა სოფელ სიმონეთში მეწყერი ჩამოწვა – Batumelebi
RU | GE  

სოფელ სიმონეთში მეწყერი ჩამოწვა

 

ძლიერი წვიმის შედეგად ხელვაჩაურის მუნიციპალიტეტის სოფელ სიმონეთში მეწყერი ჩამოწვა. სოფელში ამ დრომდე გაწმენდითი სამუშაოები მიმდინარეობს.

 

სოფლის რწმუნებულის, ხასან კაზეიშვილის თქმით, დაზიანდა ტრანსფორმატორი, რის გამოც ნახევარ სოფელს ელექტროენერგია არ მიეწოდება: „მეწყერი ჩამოწვა გზაზე, გზა გავწმინდეთ, სიმონეთის ხიდი ამ დრომდე აწეულია, ჯერ ვერ მოვახერხეთ აღდგენა, მოსახლეობასაც მიადგა ზარალი, სოფლის მცხოვრებ ჯუმბერ დიასამიძის მთლიანი ყანა წაიღო წყალმა.  

 

მოსახლეობის ევაკუაციის საჭიროება არ დამდგარა, ტექნიკის დახმარებით ვაგრძელებთ გზის წმენდას, ტრანსფორმატორის აღდგენაზე მუშაობენ ენერგო-პროს თანამშრომლები” – ამბობს ხასან კაზეიშვილი, რწმუნებული სოფელ მახოსა და სიმონეთში. 

ნეტგაზეთის მასალების სხვა გამოცემებში გადაბეჭდვის წესი
ქეთი ლაბაძე