Batumelebi | დატბორილი „ოცნების ქალაქი“ დატბორილი „ოცნების ქალაქი“ – Batumelebi
RU | GE  

დატბორილი „ოცნების ქალაქი“

 

ხელვაჩაურში, ყოფილი 54-ე ბატალინის ტერიტორიაზე ქოხებისაგან გაშენებული დასახლება, რომელსაც აქ მცხოვრებნი „ოცნების ქალაქს“ უწოდებენ, ძლიერი წვიმის შედეგად დატბორა. 

ქოხებში აჭარის სხვადასხვა მუნიციპალიტეტებიდან ჩამოსული ადამიანები ცხოვრობენ, რომლებიც საკუთარ თავს ეკომიგრანტებს უწოდებენ და უკვე მეორე წელია მთავრობის დახმარებას ელიან. ქოხების ერთი ნაწილი ახლა წყალში დგას, ზოგიერთ ქოხში წყალი შევიდა და საწოლები და ნივთები დაასველა, აქ მცხოვრებნი ამბობენ, რომ წყალი ჭერიდან და ფარღალალა ქოხების კედლებიდანაც აღწევს. „ოცნების ქალაქის“ ბევრ ოჯახში მცირეწლოვანი ბავშვი ცხოვრობს.

დღეს დატბორილ „ოცნების ქალაქში“ მთავრობიდან არავინ გამოჩენილა. აქ კითხვას, დღეს დაინტერესდა თუ არა მთავრობა მათი მდგომარეობით, პასუხობენ, რომ მთავრობა არ გამოჩენილა, მაგრამ ჟურნალისტები იყვნენ სხვა და სხვა ტელევიზიებიდან.

ბათუმში დილიდან კოკისპირულად წვიმს, დღეს 4 ბალიანი შტორმია მოსალოდნელი.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"