Batumelebi | ქობულეთში მუსლიმანურ პანსიონთან აქცია გრძელდება ქობულეთში მუსლიმანურ პანსიონთან აქცია გრძელდება – Batumelebi
RU | GE  

ქობულეთში მუსლიმანურ პანსიონთან აქცია გრძელდება

 

ბათუმის მეჩეთში მალე შეხვედრა უნდა დაიწყოს, რომელზეც განხილვის მთავარი საკითხი ქობულეთში, მუსლმანური პანსიონატის საკითხი იქნება – ამის შესახებ „ბათუმელებს“ ორგანიზაცია „ქართველ მუსლიმანთა ურთიერთობის“ თავმჯდომარემ, რამაზ კაკალაძემ განუცხადა.  

 

მისივე თქმით, ქობულეთში, ლერმონტოვის ქუჩაზე მდებარე სახლის წინ, სადაც პანსიონატია განთავსებული, აქცია ახლაც მიმდინარეობს. „შენობაში ბავშვები არ არიან, საჯარო სკოლებში არიან ახლა. არ შევუშვებთ ბავშვებსო, ამბობენ, 10-15 ადამიანი იქნება, ბარიერებით გადაკეტეს შესასვლელი“ – ამბობს რამაზ კაკალაძე „ბათუმელებთან“.  

  

10 სექტემბერს ქობულეთში ლერმონტოვის ქუჩის მცხოვრებლებმა, რომლებიც თავს მართლმადიდებლურ მრევლს მიაკუთვნებენ, დასახლებაში მუსლიმური სასწავლებლის მშენებლობა გააპროტესტეს, ღორი დაკლეს და მისი თავი მუსლიმების დაწესებულების კარზე დაკიდეს. 

ნეტგაზეთის მასალების სხვა გამოცემებში გადაბეჭდვის წესი
ნანა კვაჭაძე