Batumelebi | ბათუმში ნაყინის ქურდობის ბრალდებით ხანდაზმული მამაკაცი დააკავეს ბათუმში ნაყინის ქურდობის ბრალდებით ხანდაზმული მამაკაცი დააკავეს – Batumelebi
RU | GE  

ბათუმში ნაყინის ქურდობის ბრალდებით ხანდაზმული მამაკაცი დააკავეს

 

დღეს, პირველ სექტემბერს, ბათუმში მელიქიშვილის ქუჩაზე, დილის ოთხ საათზე, ნაყინის მაცივარი გატეხეს. საპატრულო პოლიციამ ეჭვმიტანილი ადგილზევე დააკავა.

 


 „ღამის ოთხ საათზე გატეხეს მაცივარი, მე სოფელში ვიყავი, პოლიციამ დამირეკა ღამის ხუთ საათზე. მითხრეს, რომ ჩემი მაცივარი გატეხილია, ნაყინი წაიღეს, მაგრამ პოლიციამ დაგვიბრუნა, აქვე, სადარბაზოში ჰქონდა დამალული და გადმოატანინეს“ – ამბობს ირაკლი ცეცხლაძე, მაცივრის მეპატრონე.

 

შსს პრესამსახურის ცნობით გამოძიება სს კოდექსის 177 მუხლითაა დაწყებული: „პიროვნების დაკავება მოხდა დანაშაულის ადგილიდან რამდენიმე მეტრში.“ – აცხადებს შსს პრესსამსახური.

 

„ბათუმელების“ ინფორმაციით ნაყინის მაცივარი ასაკოვანმა, სოციალურად დაუცველმა პირმა გატეხა, თუმცა შს სამინისტროში ამბობენ, რომ დაკავებულის ასაკსა და სოციალურ სტატუსს ვერ გაამხელენ, იმის შიშით, რომ მისი იდენტიფიცირება არ მოხდეს.

 

ნეტგაზეთის მასალების სხვა გამოცემებში გადაბეჭდვის წესი
ქეთი ლაბაძე