Batumelebi | გონიოელები ცენტრალური მაგისტრალის გადაკეტვით იმუქრებიან გონიოელები ცენტრალური მაგისტრალის გადაკეტვით იმუქრებიან – Batumelebi
RU | GE  

გონიოელები ცენტრალური მაგისტრალის გადაკეტვით იმუქრებიან

 

დღეს  გონიოს მოსახლეობის  ნაწილმა  მიწების დაკანონების გაჭიანურების გამო მთავრობის  სახლის წინ გამაფრთხილებელი  აქცია გამართა.ისინი მთავრობიდან პროცესის  დაჩქარებას ითხოვენ. წინააღმდეგ შემთხვევაში, გრანდიოზული საპროტესტო აქციით და გონიოს ცენტრალური მაგისტრალის გადაკეტვით იმუქრებიან.

 

“როგორც ვიცით პოლიტიკური ნება არსებობს, ჩვენ მივაწვდენთ ხმას ცენრალურ ხელისუფლებას. ძვლივს დაამთავრა   კომისიამ  მუშაობა და ახლა ხელს არ აწერენ , პროცესს ძალით აჭიანურებენ“-  აცხადებს  აქციის ორგანიზატორი  ნიაზ  ფუტკარაძე.

 

 

„ჩვენ ვუცდით  მთავრობის პირველი  პირის ხელმოწერას, გვითხრან როდის დაიწყება  მიწების დაკანონება  წინააღმდეგ შემთხვევაში 3000 კაცი დავდგებით  და გადავკეტავთ გონიოს გზას“-  ამბობს დავით გუნდაძე.

 

 

საკუთრების უფლების აღიარების კომისიის თავმჯდომარის დავით გაბაიძის ინფორმაციით დღეს აღიარების შესახებ კანონი მოითხოვს მიწაზე ნაგებობის  არსებობას, რასაც ვერ აკმაყოფილებენ  მიწით მოსარგებლეები.

 

 

„ ჩვენ არ გვაქვს უფლება  დავაკანონოთ  რაიმე საკუთრება. 29 აგვისტოს ჩანიშნულია  სხდომა,   სადაც  კენჭი უნდა ვუყაროთ  ამ დასკვნას . კომისიაში მესაკუთრეებს ჰყავთ ექვსი წარმომადგენელი. ამ კომისიას არა აქვს საკუთრების დაკანონების უფლება . ამისათვის უნდა მოხდეს კანონში ცვლილება და ეს რეკომენდაცია  წერია  პროექტში“- ამბობს დავით გაბაიძე.

 

 

აქციის მონაწილეების ინფორმაციით გონიოში მიწის დაკანონებას 270 ოჯახი  ითხოვს.

 

ნეტგაზეთის მასალების სხვა გამოცემებში გადაბეჭდვის წესი
მარიამ გოგიბერიძე (მოხალისე)