Batumelebi | ბარბარეს ეკლესიის საქმე – შს სამინისტრო: მიმდინარეობს მოკვლევა ბარბარეს ეკლესიის საქმე – შს სამინისტრო: მიმდინარეობს მოკვლევა – Batumelebi
RU | GE  

ბარბარეს ეკლესიის საქმე – შს სამინისტრო: მიმდინარეობს მოკვლევა

 

8 თვის შემდეგაც შინაგან საქმეთა სამინისტროში აცხადებენ, რომ ბათუმში მდებარე ბარბარეს ეკლესიის საქმეზე კვლავ მოკვლევა მიმდინარეობს; 

 

ბარბარეს ეკლესია

 

2014 წლის 11 იანვარს კულტურული მემკვიდრეობის ძეგლის უნებართვო ხელყოფისათვის მოქალაქე შოთა გუჯაბიძემ საპატრულო პოლიციას მიმართა რეაგირებისათვის. შოთა საზოგადოება “ბათომის” დამფუძნებელია, ორგანიზაციის, რომელიც ბათუმში მდებარე კულტურული მემკვიდრეობის ძეგლების შესწავლაზე, გადარჩენასა და პოპულარიზაციაზე ზრუნავს.

 

როგორც აღმოჩნდა, კულტურული მემკვიდრეობის ძეგლის სტატუსის მქონე  ბარბარეს ეკლესიის ფასადზე რემონტი კულტურული მემკვიდრეობის სააგენტოსთან შეთანხმების გარეშე მიმდინარეობდა, რაც კანონით აკრძალულია. მაშინ საქართველოს კულტურული მემკვიდრეობის სააგენტოში განაცხადეს, რომ სააგენტოს სარემონტო სამუშაოების ნებართვა არ გაუცია, ეკლესიის წინამძღვარმა, გიორგი მამალაძემ კი „ბათუმელებთან” აღნიშნა, რომ სამუშაოები მეუფე დიმიტრის კურთხევით მიმდინარეობდა.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"