Batumelebi | აქცია მთავრობის სახლთან აქცია მთავრობის სახლთან – Batumelebi
RU | GE  

აქცია მთავრობის სახლთან

 

“ვითხოვთ მთავრობამ შეასრულოს დაპირება”,  “მოგვცენ შეღავათიანი კრედიტი”, “შეაჩერონ აუქციონზე ჩვენი სახლების გაყიდვა და ჩვენ გადავიხდით ვალებს”-ამ მოთხოვნებით აქცია მიმდინარეობს აჭარის მთავრობის სახლთან. აქციის მონაწილეები აჭარის მთავრობის თვმჯდომარეს, ყოფილ პრემიერ-მინისტრს ბიძინა ივანიშვილსა და ვიცე-პრემიერ-მინისტრს კახი კალაძეს წინასაარჩევნოდ მიღებული დანაპირების შესრულებას სთხოვენ. 

 

აქციის მონაწილეებთან შეხვედრაზე მთავრობიდან არავინ გამოჩენილა. იქვეა მობილიზებული საპატრულო პოლიციის ეკიპაჟი.

 

 

რეზო ბერიძე, აქციის ერთ-ერთი მონაწილე ამბობს, რომ მას კერძო იპოთეკართან ვალი 28 ათასი დოლარი უკვე გადახდილი აქვს, დარჩენილი აქვს დაახლოებით 4 ათასი დოლარი გადასახდელი, თუმცა შინაგან საქმეთა სამინისტროსგან ოფიციალური წერილი მიიღო, პოლიცია მას სახლის დაცლას სთხოვს, ხვალ ორშაბათს მისი  სახლი აუქციონზე  გადის გასაყიდად და ოჯახი  გამოსახლების შესახებ წინასწარ გააფრხთხილეს;

 

 

რეზო ბერიძის მსგავსად აუქციონზე უნდა გაიყიდოს თენგო ფაღავას, რეზო ეზიაშვილის, თემურ თავდგირიძის და ნაზი დავითაძის სახლები. ეს ადამიანები ამბობენ,  რომ ისინი იმ სიაში არიან რომელიც აჭარის მთავრობის გადაწყვეტილებით გრძელვადიან სესხებს მიიღებენ.

 

აჭარის მთავრობამ დამტკიცებულლი სია იმ ადამიანებისა ვინც შეღავათიანი სესხით ისარგებლებს უკვე გადასცა აჭარის ეკონომიკის სამინისტროს; 


აჭარის ეკონომიკის სამინისტრო კომენტარის გაკეთებას მოგვიანებით შეგვპირდა, ამიტომაც  ჯერჯერობით “ბათუმელებმა” ვერ მოახერხა იმის გადამოწმება ნამდვილად არიან თუ არა აქციის მონაწილე ეს ადამიანები იმ სიაში, რომლებმაც მთავრობის დახმარებით შეღავათიანი ბიზნესსესხები უნდა მიიღონ. 

პრესსსამსახურისგან სატელეფონო ზარს “ბათუმელები” ამ წუთებშიც ელოდება. 

აქცია აჭარის მთავრობის სახლთან



ნეტგაზეთის მასალების სხვა გამოცემებში გადაბეჭდვის წესი
"ბათუმელები"