Batumelebi | მინისტრი: მე თქვენი კოლეგა ვარ და არა ჩინოვნიკი მინისტრი: მე თქვენი კოლეგა ვარ და არა ჩინოვნიკი – Batumelebi
RU | GE  

მინისტრი: მე თქვენი კოლეგა ვარ და არა ჩინოვნიკი

 

საქართველოს ჯანდაცვის მინისტრი დავით სერგეენკო ბათუმის უნივერსიტეტში ექიმებს ხვდება.

 

შეხვედრა კითხვა-პასუხის რეჟიმში მიმდინარეობს. აჭარისა და საქართველოს ჯანდაცვის მინისტრები ექიმების კითხვებს პასუხობენ, შეხვედრის ძირითადი თემა წამლების რეცეპტით გაცემაა.

 

 

რა იცვლება, რა იზღუდება და რატომაა  მნიშვნელოვანი წამლების რეცეპტით გაცემა, ამის შესახებ სერგეენკომ თითქმის ნახევარი საათი ელაპარაკა ექიმებს და კოლეგებს სთხოვა, რომ აუხსნან პაციენტებსადა ახლობლებს, რომ ეს რეგულაცია ისევ მათ სასიკეთოდ დაწესდა.

„თქვენ  ელაპარაკებით თქვენს კოლეგას და არა ჩინოვნიკს“ – უთხრა მინისტრმა შეხვედრაზე მყოფ ერთ-ერთ ექიმს, რომელსაც  სთხოვა ჩამოეთვალა ის მედიკამენტები, რომლებსაც იგი დავუშვათ, ერთ-ერთ კონკრეტული დაავადების შემთხვევაში  გამოუწერდა პაციენტს;

ჯანდაცვის მინისტრი ექიმებს ხვდება

 

წამლების ჩამონათვალის გაკეთების შემდეგ მინისტრმა სერგეენკომ თქვა,  რომ ამ ექიმით რეგულირების სააგენტო უნდა დაინტერესდეს, რადგან მას წამლების ჩამონათვალი და დანიშნულება სწორედ არ მოეჩვენა.

 

 

 

მინისტრის განმარტებით, არასრუწლოვანებზე იზღუდება რამდენიმე კატეგორიის წამლის გაცემა, ძირითადად ისინი რომელსაც მოზარდები ნარკოტიკული თრობისთვის  იყენებდნენ, გარდა ამისა, სერგეენკოს განმარტებით,  პაციენტები თვითმკურნალობას უნდა გადაეჩვიონ: „საზოგადოების დაკვეთაა სააფთიაქო ნარკომანიისა და თვითმკურნალობის  ზღვარზე მყოფი ადამიანების გადარჩენა“.

 

ნეტგაზეთის მასალების სხვა გამოცემებში გადაბეჭდვის წესი
ნათია როყვა