Batumelebi | ბათუმში ზღვამ მამაკაცის გვამი გამორიყა ბათუმში ზღვამ მამაკაცის გვამი გამორიყა – Batumelebi
RU | GE  

ბათუმში ზღვამ მამაკაცის გვამი გამორიყა

 

აჭარის სამაშველო სამსახურის უფროსის, მამუკა თურმანიძის ინფორმაციით, ამ წუთებში გვამს ექსპერტიზას უტარებენ.

 

“ბათუმელებთან” საუბრისას მამუკა თურმანიძემ განმარტა, რომ დღეს საღამოს, აკვაპარკის მიმდებარე ტერიტორიაზე სამაშველო სამსახურის თანამშრომელმა  ზღის ზედაპირზე გვამი შეამჩნია.   მაშველმა გამოიყვანა მამაკაცი ზღვიდან და შემთხვევის შესახებ საპატრულო პოლიციას აცნობა.

 

ჯერჯერობით უცნობია მამაკაცის ვინაობა, ის დაახლოებით 50 წლისაა. 

 

შინაგან საქმეთა სამინისტროს  პრესსამსახურის ინფორმაციით, გამოძიება სისხლის სამართლის კოდექსის 115-ე  მუხლით მიმდინარეობს, რაც ნიშნავს  თვითმკვლელობამდე ან თვითმკვლელობის ცდამდე მიყვანას, მსხვერპლისადმი მუქარით ან  სასტიკი მოპყრობით ან  მისი პატივის ან ღირსების სისტემატური დამცირებით. 

 

ეს დანაშაული ისჯება თავისუფლების შეზღუდვით ვადით სამ წლამდე ან თავისუფლების აღკვეთით ვადით ორიდან ოთხ წლამდე.

ნეტგაზეთის მასალების სხვა გამოცემებში გადაბეჭდვის წესი
ნათია როყვა