ბათუმის პლაჟზე დამსვენებლების რაოდენობის მატებასთან ერთად, სხვადასხვა გასართობიც გამოჩნდა.
ერთ-ერთი ყველაზე პოპულარული სერვისი ზღვაში გასეირნებაა. ბათუმის პორტში სასეირნო გემი დგას, გემით გასეირნების ფასი ერთი ადამიანისთვის 10 ლარია – 30 წუთი. უფრო ძვირი – 50 ლარი ღირს კატერტით გასეირნება, ხოლო ვისაც იახტით უნდა ზღვაში ნახევარი საათით გასეირნება, 250 ლარი უნდა გადაიხადოს [იახტაზე მაქსიმუმ 22 ადამიანი შეიძლება განთავსდეს].
უკვე შეიძლება პარაშუტით დაშვება ზღვაზე – ამ სერვისის ღირებულება 70 ლარია, ხოლო თუ დელტაპლანით ფრენა გსურთ, მაშინ 100 ლარი უნდა გადაიხადოთ [30 წუთი].
სანაპიროს მთლიან ზოლზე დამსვენებელს შეუძლია იქირაოს შეზლონგები, რომლის ღირებულება 3 ლარია.
ანბანის კოშკის მიმდებარე ტერიტორიაზე დამსვენებელს ველოსიპედების ქირაობაც შეეძლება – ნახავარი საათით ველოსიპედით გასეირნება 3 ლარი ღირს, ელექტრომოპედით – 40 ლარი (2 ადამიანისთვის), ხოლო ოთხკაციანი ველოსიპედით – 25 ლარი.
