Batumelebi | ბათუმი და შარმ-ელ შეიხი მეგობრდებიან ბათუმი და შარმ-ელ შეიხი მეგობრდებიან – Batumelebi
RU | GE  

ბათუმი და შარმ-ელ შეიხი მეგობრდებიან

ბათუმი ეგვიპტის ქალაქ შარმ-ელ შეიხს უმეგობრდება. ორ ქალაქს შორის დამეგობრების მემორანდუმს ბათუმის მერი გიორგი ერმაკოვი და სამხრეთ სინას გუბერნატორი გენერალი ხალედ ფოდა სიდიკი ხელს დღეს მოაწერენ.

  

მემორანდუმი ითვალისწინებს ორმხრივ თანამშრომლობას შემდეგი მიმართულებებით:

ადგილობრივი თვითმმართველობა; კულტურა, ხელოვნება და ისტორიული მემკვიდრეობა;  გარემოს დაცვა და კონსერვაცია;  განათლება; სპორტი;  ჯანმრთელობის დაცვა;   ტურიზმის განვითარება;   ნარჩენების მართვა და გადამუშავება.

 

მემორანდუმის ფარგლებში, ასევე გათვალისწინებულია ინვესტიციების განხორციელების შესაძლებლობები ორივე ქალაქში, ადგილობრივი საინვესტიციო რეგულაციების გათვალისწინებით; ორ ქალაქს შორის ტურისტული ნაკადების ზრდა; გამოცდილების გაზიარება სამედიცინო ტურიზმის და სპა პროექტების სფეროში; ეკოტურიზმი და ბუნებრივი რესურსების მდგრადი გამოყენება; ორ ქალაქს შორის ორმხრივი ვიზიტების დაგეგმვა; ცოდნისა და გამოცდილების გაზიარება ადგილობრივი არქიტექტურის სფეროში. მემორანდუმის თანახმად,  ორივე მხარე ვალდებულია უზრუნველყოს და ორგანიზება გაუკეთოს კომერციულ, ტურისტულ და კულტურულ გამოფენებს. ორივე მხარე ვალდებულია ითანამშრომლოს და გაცვალოს უნარჩვევები და გამოცდილება ქალაქის ადგილობრივი ადმინსიტრირების სისტემების შესახებ. მხარეებმა ხელი უნდა შეუწყოს თეატრალური და მუსიკალური ტურების და ფესიტივალების ჩატარებას, კულტურული ასოციაციების და კლუბების წარმომადგენლების გაცვლას საერო დღესასწაულების და დაგეგმილი ფესტივალების დროს.

 

ვიზიტის ფარგლებში დაგეგმილია შეხვედრები აჭარის ფინანსთა და ეკონომიკის სამინისტროში, ტურიზმის დეპარტამენტში, სავაჭრო-სამრეწველო პალატაში. ასევე დაგეგმილია სხვადასხვა კულტურული ღონისძიება.

 

ეგვიპტის 5 კაციანი დელეგაცია, რომლის შემადგენლობაშიც არიან სამხრეთ სინას გუბერნატორი გენერალი ხალედ ფოდა სიდიკი, სამხრეთ სინას გუბერნატორის მრჩეველი დოქტორი ვალიდ ფავზი ალ–სიბაი, შარმ ელ–შეიხში ტურისტული პროექტების მფლობელი ამრ მუჰამედ ისმაილი, ტურისტული კომპანია „გაფი ტურსის – Gafy Tours“ მფლობელი გივარა მუჰამედ ალ–გაფი და შარმ ელ–შეიხში „რენოხსის – Rixos“ სასტუმროების ქსელის მფლობელი რაფათ იბრაჰიმ აბდ ელ–ლატიფი, ბათუმს 15 აგვისტოს დატოვებს.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"