დღეს, ენერგოომბუდსმენმა სალომე ვარდიაშვილმა, ბათუმში რეგიონული თანაშემწე წარადგენა. დღეიდან ამ თანამდებობას საზოგადოებრივი დამცველის უფროსი თანაშემწე, ბექა სიორდია დაიკავებს.
იმ შემთხვევაში, თუ ფიქრობთ რომ თქვენი უფლებები ირღვევა, მაგალითად მაშინ, როცა გაზის, წყლის ან ელექტროენერგიის გადასახადს მიიღებთ, შეგიძლიათ დახმარებისთვის ბათუმში მაზნიაშვილის ცხრა ნომერში, ენერგოომბუდსმენის წარმომადგენელს მიაკითხოთ.
ღონისძიება საქართველოს სახალხო დამცველის ბათუმის ოფისში გაიმართა. პრეზენტაციას სახალხო დამცველის და სემეკის თანამშრომლები, არასამათავრობო სექტორის, უფლებადამცველი ორგანიზაციების და ადგილობრივი ენერგო კომპანიების წარმომადგენლები ესწრებოდნენ.
სალომე ვარდიაშვილმა მოწვეულ სტუმრებს ენერგოომბუდსმენის ფუნცქციები და უფლებამოსილებები გააცნო, ისაუბრა ძირითად გამოწვევებსა და მიმდინარე წლის სტატისტიკაზეც.
საზოგადოებრივ დამცველთან სტუმრებმა ვრცლად ისაუბრეს ენერგოსექტორში არსებულ პრობლემებსა და მისი გადაჭრის ალტერნატივიებზე. ადგილობრივმა სამოქალაქო საზოგადეობამ დადებითად შეაფასა აჭარის რეგიონში ენერგოომბუდსმენის თანაშემწის წარდგენის ფაქტი. ენერგოკომპანიებმა გამოთქვეს მზადყოფნა მჭიდრო თანამშრომლობისთვის.
ენერგოომბუდსმენის შეფასებით, რეგიონული თანაშემწეების არსებობა ხელს შეუწყობს ენერგოომბუდსმენის ინსტიტუტის გაძლიერებას და მომხმარებელთა უფლებების ეფექტიან დაცვას.
მათივე ინფორმაციით, მიმდინარე წელს 1328 განცხადებაა რეგისტრირებული. კონსულტაცია კი ათასამდე მოქალაქემ მიიღო. მათი ჩართვის შემდეგ კი მოსახლეობის სასარგებლოდ კომპანიებმა ნახევარი მილიონი ლარის თანხა უკან დააბრუნეს.
