Batumelebi | სოფლის მოსახლეობის ექიმამდელი სამედიცინო დახმარების პროგრამით 93 834 პაციენტმა ისარგებლა სოფლის მოსახლეობის ექიმამდელი სამედიცინო დახმარების პროგრამით 93 834 პაციენტმა ისარგებლა – Batumelebi
RU | GE  

სოფლის მოსახლეობის ექიმამდელი სამედიცინო დახმარების პროგრამით 93 834 პაციენტმა ისარგებლა

 

აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს “სოფლის მოსახლეობის ექიმამდელი სამედიცინო დახმარების” პროგრამის ფარგლებში, 2014 წლის 6 თვის განმავლობაში, პირველადი სამედიცინო მომსახურება 93 834 პაციენტს ჩაუტარდა.

 

 
2014 წლის 6 თვის განმავლობაში:
 
– 93 834 პაციენტს ჩაუტარდა პირველადი სამედიცინო მომსახურება
– 30 322 ლარის ღირებულების მედიკამენტები გადაეცათ თემის სამედიცინო პუნქტებს
– გაიცა 184 ნაკრები ტესტ–ჩხირი და 15 ერთეული გლუკომეტრის აპარატი 
– 371 046 ლარი გაიცა მედდების შრომის ანაზღაურებისათვის
 
პროგრამის მიზანი სოფლის მოსახლეობისათვის ექიმამდელი სამედიცინო დახმარების მიწოდებაა. აჭარის ავტონომიური რესპუბლიკის ტერიტორიაზე სოფლის დასახლებულ ადგილებში, განსაკუთრებით მთიან მუნიციპალიტეტებში, გეოგრაფიული მდებარეობისა და კლიმატური პირობების გამო მოსახლეობისათვის დროული სამედიცინო მომსახურების მიწოდება გართულებული იყო, რამაც გამოიწვია მათთვის ადგილზე ექიმამდელი სამედიცინო დახმარების ორგანიზების აუცილებლობა.

ქვეპროგრამის მოსარგებლე მუნიციპალიტეტის ტერიტორიაზე მცხოვრები მოსახლეობაა.

პროგრამის შესახებ დამატებითი ინფორმაცია, იხილეთ შემდეგ ბმულზე.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"