Batumelebi | აჭარის დასაქმების სააგენტო დამსაქმებლებთან შეხვედრებს აწყობს აჭარის დასაქმების სააგენტო დამსაქმებლებთან შეხვედრებს აწყობს – Batumelebi
RU | GE  

აჭარის დასაქმების სააგენტო დამსაქმებლებთან შეხვედრებს აწყობს

 

ტურისტულ სეზონთან დაკავშირებით დასაქმების სააგენტოს წარმომადგენლები დამსაქმებლებთან შეხვედრას განაგრძობენ. ვაკანსიების მოძიების მიზნით, დასაქმების სააგენტოს დირექტორის მოადგილე მარიამ ბეზარაშვილი ბათუმის სანაპიროსთან არსებულ კაფე-რესტორნებისა და სასტუმროების ხელმძღვანელებს შეხვდა და კადრებით უზრუნველყოფა შესთავაზა.

 

აჭარის დასაქმების სააგენტო აჭარის ავტონომიური რესპუბლიკის მთავრობის ინიციატივით 2011 წლის 13 სექტემბერს დაფუძნდა. ოფიციალური ინფორმაციით, დაარსების დღიდან ორგანიზაციას 7443 ადამიანი ჰყავს დასაქმებული სხვადასხვა ორგანიზაციებსა თუ კომპანიებში. დასაქმების სააგენტოს ორგანიზაციები ვაკანსიებს ტელეფონის, ელ – ფოსტის ან პირადი ვიზიტის საშუალებით აწოდებენ.

 

დასაქმების სააგენტოს განმარტებით, სააგენტო არის მხოლოდ შუამავალი დამსაქმებელსა და სამუშაოს მაძიებელს შორის, სააგენტოს მიერ შეთავაზებული რეზიუმეს განხილვასა და კადრების შერჩევაზე გადაწვეტილებას დამსაქმებელი დამოუკიდებლად იღებს.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"