Batumelebi | სტიქიითა და ხანძრით დაზარალებულ ოჯახებს 100 658 ლარი გამოეყო სტიქიითა და ხანძრით დაზარალებულ ოჯახებს 100 658 ლარი გამოეყო – Batumelebi
RU | GE  

სტიქიითა და ხანძრით დაზარალებულ ოჯახებს 100 658 ლარი გამოეყო

 

აჭარის ავტონომიური რესპუბლიკის მთავრობის თავმჯდომარის 17 ივლისის N 213 ბრძანებით, სტიქიისა და ხანძრის შედეგად დაზარალებულ ოჯახებს მატერიალური დახმარების გაწევის მიზნით აჭარის ავტონომიური რესპუბლიკის რესპუბლიკური ბიუჯეტის სარეზერვო ფონდიდან 100 658 ლარი გამოეყო.

 

 

 

 

აღნიშნული თანხიდან, თვითმმართველი ქალაქი ბათუმის მერიას გამოეყო 18 000 ლარი, ხანძრის შედეგად დაზრალებული ე. სავიდის ოჯახისათვის 10 000 ლარის და ვ. ძანძავას ოჯახისათვის 8 000 ლარის გადაცემის მიზნით.

 

 

ქობულეთის მუნიციპალიტეტის გამგეობას გამოეყო 7 175 ლარი, ხანძრის შედეგად დაზარალებული თ. გალუსტაშვილის ოჯახისათვის გადაცემის მიზნით.

 

 

ხელვაჩაურის მუნიციპალიტეტის გამგეობას გამოეყო 10 000 ლარი, ხანძრის შედეგად დაზარალებული თ. ბერიძის ოჯახისათვის გადაცემის მიზნით. ქედის მუნიციპალიტეტის გამგეობას გამოეყო 26 483 ლარი, სტიქიის შედეგად დაზარალებული ფ. შერვაშიძის ოჯახისათვის 11 440 ლარის, თ. ღოღობერიძის ოჯახისათვის 3 864 ლარის, და ვ. ცინცაძის ოჯახისათვის 11 179 ლარის გადაცემის მიზნით.

 

 

ხულოს მუნიციპალიტეტის გამგეობას გამოეყოფა 39 000 ლარი, სტიქიითა და ხანძრის შედეგად დაზარალებული ა. კახიძის ოჯახისათვის 4 000 ლარის, თ. ადაძის ოჯახისათვის 5 000 ლარის, რ. ხოზრევანიძის ოჯახისათვის 5 000, ნ. ნაჩაიძის ოჯახისათვის 5 000 ლარის, ჯ. ხოზრევანიძის ოჯახისათვის 5 000 ლარის და ნ. დიასამიძის ოჯახისათვის 15 000 ლარის გადაცემის მიზნით.

 

 

აღნიშნულ ოჯახებზე მატერიალური დახმარების გაწევის მიზნით მთავრობის თავმჯდომარეს რეკომენდაციით მიმართა აჭარის ავტონომიურ რესპუბლიკაში სტიქიური მოვლენების შედეგად მიყენებული ზარალის სალიკვიდაციო შერეულმა სამთავრობო კომისიამ.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"