Batumelebi | გიორგი ერმაკოვი ბათუმის მერიაში ცვლილებებს გეგმავს გიორგი ერმაკოვი ბათუმის მერიაში ცვლილებებს გეგმავს – Batumelebi
RU | GE  

გიორგი ერმაკოვი ბათუმის მერიაში ცვლილებებს გეგმავს

 

ბათუმის პირველმა ახლადარჩეულმა მერმა არჩევნების შემდეგ პირველი ბრიფინგი გამართა. გიორგი ერმაკოვმა იმ ცვლილებებზე ისაუბრა, რის გატარებასაც მერიაში გეგმავს. 

 

მისი თქმით, ბათუმის მერიაში გატარდება საკადრო ცვლილებები, კანონის შესაბამისად. ცვლილება მინიმუმ 13 საშტატო ერთეულს შეეხება, შეიცვლება ვიცე მერები და სამსახურის ხელმძღვანელები. რაც შეეხება რიგით თანამშრომლებს, მერიაში კონკურსი გამოცხადდება.

 

„გარკვეული კატეგორია თანამდებობებისა  დელეგირებით ანუ მერის უფლებამოსილების ვადით იქნება განსაზღვრული, მერი როდესაც მივა, მასთან ერთად ეს გუნდი იცვლება. კანონი ადგილობრივი თვითმმართველობის შესახებ თვითონ განსაზღვრავს გარკვეული ტიპის ცვლილებებს, გარკვეული თანამდებობის პირების უფლებამოსილების შეწყვეტას და უკვე  ახალი თანამდებობის პირების დანიშვნას. ქალაქის არჩეული მერი არის ყველას მერი, განურჩევლად პარტიული წარმომავლობისა, განურჩევლად შეხედულებებისა. მთავარი არის ადამიანები, რომელიც ქალას ემსახურებიან, იყვნენ ღირსეულები, იყვნენ კომპეტენტურები და იყვნენ პროფესიონალები.  იმდენი  პრობლემაა ქალაქში დაგროვილი 24 საათიანი მუშაობა მოუწევს ყველას ამ პრობლემების გადასაწყვეტად. ამის მაგალითი იქნებაქალაქის მერი,“ – განაცხადა გიორგი ერმაკოვმა.

 

 მისი თქმით საკადრო ცვლილებები აუცილებელია იმისათვის რომ „ქალაქის ახლადარჩეულ მერს ჰქონდეს იმის განხორციელების საშუალება რასაც ის წინასაარჩევნოდ პირდებოდა თავის ქალაქს“. ამასთან ბათუმის მერიის თანამშრომლებს კონკურსის გავლა მოუწევთ.

 

„პირველ ეტაპზე განვსაზღვრავთ კონკურსს ჩაატარებს მერია თუ განყენებული უწყება, ობიექტურობა რომ დავიცვათ. დამთავრდება ნათესავების და ნაცნობების მიყვან-მოყვანა, დეიდაშვილების და ბიძაშვილების დასაქმება,“ – განაცხადა გიორგი ერმაკოვმა.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"