Batumelebi | სამართლიანი არჩევნები: ხულოს 36-ე საარჩევნო უბანზე ბიულეტენები ჩაყარეს სამართლიანი არჩევნები: ხულოს 36-ე საარჩევნო უბანზე ბიულეტენები ჩაყარეს – Batumelebi
RU | GE  

სამართლიანი არჩევნები: ხულოს 36-ე საარჩევნო უბანზე ბიულეტენები ჩაყარეს

 

„სამართლიანი არჩევნების“ განცხადებით ხულოს #36 საარჩევნო უბანზე, კომისიის თავმჯდომარემ საარჩევნო ყუთში  ბიულეტენები ჩაყარა. ფაქტი “სამართლიანი არჩევნების” დამკვირვებელმა დააფიქსირა.  

სამართლიანი არჩევნების მიერ გავრცელებულ ინფორმაციით, კომისიის თავმჯდომარე ბიულეტენების ჩაყრას უარყოფს. ამასთან კომისიის თავმჯდომარემ “სამართლიანი არჩევნების” დამკვირვებელს მიმართ, რომელმაც დარღვევაზე მიუთითა, გამოიჩინა აგრესიული დამოკიდებულება და ხელი შეუშალა დაკვირვების განხორციელებაში. დაიწერა საჩივარი ოლქში კომისიის თავმჯდომარის ადმინისტრაციულ პასუხისმგებლობაზე, დამკვირვებელზე ზეწოლისა და მისი უფლების შეზღუდვის, ასევე გაყალბების მცდელობის საფუძვლით.

ხულოს საარჩევნო კომისიის თავმჯდომარის ნოდარ მელაძის განცხადებით ოლქი ინფორმირებულია მომხდარი ფაქტის შესახებ.

“სამართლიანმა არჩევნებმა” დაწერა საჩივარი, დავარეგისტრირეთ. 36-ე უბანზე გავაგზავნეთ იურისტი, რომელიც ადგილზე შეისწავლის ფაქტს. დაახლოებით სამი-ოთხი საათი დაჭირდება შესწავლას. შესწავლის შემდეგ მივიღებთ გადაწყვეტილებას”, –  განაცხადა ნოდარ მელაძემ.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"