„C ჰეპატიტის მართვის სახელმწიფო პროგრამის“ სკრინინგული კვლევის კომპონენტის ფარგლებში, ბათუმში, 29 მაისიდან – 2 ივნისის პერიოდში, უფასო სკრინინგი ჩატარდება. აქციის თანამონაწილეები არიან დაავადებათა კონტროლისა და საზოგადოებრივი ჯანმრთელობის ეროვნული ცენტრის აჭარის სამმართველო და არასამთავრობო ორგანიზაცია კავშირი ,,იმედი”.
სკრინინგის ჩატარების დრო და ადგილი:
29 მაისი, 13:00 – 15:00 სთ. ბათუმი, გორგილაძის ქუჩის ბოლო (საცხოვრებელი კორპუსის ეზო);
30 მაისი, 12 :00- 15:00 სთ. „მაკდონალდსის“ მიმდებარე ტერიტორია;
31 მაისი, 15:00 – 18:00 სთ. სასტუმრო ,,ერა პალასი“, სსიპ აჭარის ა.რ. საზოგადოებრივი ჯანდაცვის ცენტრის მიერ დაგეგმილი კონფერენციის (თამბაქოს მსოფლიო დღე) პარალელურად. სამიზნე ჯგუფი: უნივერსიტეტი, რესურსცენტრი, სკოლების პედაგოგები და უფროსკლასელები.
1 ივნისი, 12:00 – 15:00 სთ. დაბა ჩაქვი;
2 ივნისი, 13:00 – 15:00 სთ. გორგილაძის ქუჩაზე მდებარე სილამაზის სალონები.
გამოვლენილი ინფიცირებული პირები ჩაერთვებიან სახელმწიფო პროგრამაში, რომლის დიაგნოსტიკას და მკურნალობის პროცესში აუცილებელი კვლევების თანადაფინანსებას უზრუნველყოფს აჭარის საზოგადოებრივი ჯანდაცვის ცენტრი (აჭარის ა.რ. მუნიციპალიტეტებში რეგისტრირებული მოქალაქეებისათვის), ქალაქ ბათუმის მერია (ქალაქ ბათუმში რეგისტრირებული მოქალაქეებისთვის).
