Batumelebi | ქედაში 16 უბნის შედეგების გაბათილებას ითხოვენ ქედაში 16 უბნის შედეგების გაბათილებას ითხოვენ – Batumelebi
RU | GE  

ქედაში 16 უბნის შედეგების გაბათილებას ითხოვენ

 

ქედის  N80 საოლქო საარჩევნო კომისიამ არასამთავრობო ორგანიზაცია  „სამართლიანი არჩევნების“ დამკვირვებლის,  ვლადიმერ თებიძის მიერ N29 უბანზე დაწერილი საჩივარი განიხილა, რომელიც კენჭისყრის შემაჯამებელი ოქმში, საუბნო საარჩევნო კომისიის მდივნის მიერ განხორციელებულ უკანონო შესწორებას ეხებოდა და აღნიშნული უბნის თავმჯდომარის,  ანზორ გოგიტიძის და მდივნის, მანანა ბასილაძის მიმართ სამართალდარღვევათა ოქმის შედეგენასა და მათ წინანაშე დისციპლინარული ზომების გატარებას მოითხოვდა, ნაწილობრივ დაკმაყოფილდა.

 

საჩივრის განხილვას ქედაში ოლქის 11 წევრი ესწრებოდა. სხდომაზე საუბნო კომისიის თავმჯდომარის და მდივნის დისციპლინარული პასუხისმგებლობის საკითხი დაისვა, საკითხს მხარი ყველა წევრმა დაუჭირა. კომისია გაფრთხილებით შემოიფარგლა და აღნიშნა, რომ ანზორ გოგიტიძე და მანანა ბასილაძე სამომავლოდ ვერც ერთი დონის საარჩევნო კომისიებში მონაწილეობას ვეღარ მიიღებდნენ.  

 

2014 წლის თვითმმართველობის არჩევნებზე  ქედაში მხოლოდ ერთი საჩივარი დააიწერა.  საჩივარი, რომელიც ქედაში 16  უბნის შედეგების გაბათილებას მოითხოვს,  „ნინო ბურჯანაძე-ერთიანი ოპოზიციის“  პარტიამ ოლქში გუშინ შეიტანა.

 

რა შედეგებით დასრულდება პარტიის მოთხოვნა,  ხვალ გახდება ცნობილი.  ოლქის თავმჯდომარე ამბობს, რომ საჩივარს სწავლობენ და საკითხზე კომისია იმსჯელებს.

 

ქედაში, 31 საარჩევნო უბნიდან 16 უბნის შედეგების გაბათილებასთან დაკავშირებით საჩივრის განხილვა,  ქედის ოლქს ხუთშაბათს 16 საათისთვის აქვს ჩანიშნული.

 

„არის რიგი დარღვევები უბნებზე, არ გამოდის საერთო ბალანსი, არჩევნებზე მოსული ამომრჩევლის რაოდენობა, დათვლილი ბიულეტენების და ხმების ოდენობა ერთმანეთს არ ემთხვევა. შემაჯამებელი ოქმებში არ არის  ნაჩვენები შესწორების ოქმები“ – ამბობს პარტია „ნინო ბურჯანაძე – ერთიანი ოპოზიციის“ ქედის გამგებლობის კანდიდატი ზურაბ ავალიანი.

 

ნეტგაზეთის მასალების სხვა გამოცემებში გადაბეჭდვის წესი
ეკა ბარამიძე