ბათუმის ოლქის #61-ე უბანზე კომისიის ორი წევრი, ხატია ფაღავა (ერთიანი ნაციონალური მოძრაობიდან) და ნინო მჟავანაძე (ოლქის მიერ არჩეული) სიტყვიერ შეურაცხყოფას აყენებდნენ „სამართლიანი არჩევნების“ დამკვირვებელს.
დამკვირვებელმა დათვლის პროცესში გამოვლენილ დარღვევებთან დაკავშირებით საჩივარი დაწერა.
დამკვირვებლის მიერ გადაღებული ვიდეო „სამართლიანმა არჩევნებმა“ გუშინ გამოაქვეყნა. ორგანიზაციის მიერ დამკვირვებლის შეურაცხყოფასთან დაკავშირებით წარდგენილი საჩივარი ბათუმის საარჩევნო ოლქმა გუშინ განიხლილა და # 61 საარჩევნო კომისიის იმ წევრებს, რომლებმაც დამკვირვებელს შეურაცხყოფა მიაყენეს, სრული სამუშაო ხელფასი დაუქვითა.
