Batumelebi | 34-ე უბნის შედეგები გაბათილდა 34-ე უბნის შედეგები გაბათილდა – Batumelebi
RU | GE  

34-ე უბნის შედეგები გაბათილდა

 

ქობულეთის 81-ე საოლქო საარჩევნო კომისიამ დააკმაყოფილა ახალგაზრდა იურისტთა ასოაციაციის საჩივარი და 34-ე საარჩევნო უბნის მონაცემები ბათილად სცნო. 

 

ბათილად ცნობის მიზეზად საია შემდეგ არგუმენტებს ასახელებდა:

  1. ამ უბანზე არჩევნების დღეს ხმის მიცემის პროცესი რამდენჯერმე შეჩერდა. ეს ფაქტი ჩანაწერთა წიგნში არ იყო აღნიშნული.
  2. კომისიის წევრები, ზოგ შემთხვევაში უმრავლესობა, ზოგჯერ კი ყველა კომისიის წევრი უბანს ტოვებდნენ.  საარჩევნო ყუთი მეთვალყურეობის გარეშე რჩებოდა. 
  3. ხმის დათვლის პროცესში  61 ბიულეტენი ბათილად სცნეს, იმიტომ  რომ ბიულეტენზე არ იყო რეგისტრატორის ხელწერა;
  4. რამდენიმე ბიულეტენებზე დამოწმებული ბეჭედი იყო კომისიის თავმჯდომარის და არა კომისიის წევრების.
  5. 61 ბიულეტენიდან, რომელსაც  კომისიის წევრის, ანუ რეგისტრატორის ხელმწერა არ ჰქონდა, 51 შემთხვევაში იყო მოხაზული №41.

 

ეს ფაქტობრივი გარემოებები კი ეჭვს იწვევდა, რომ ბიულეტენები საარჩევნი ყუთში ჩაყარეს.

 

 უბანზე  საიას დმაკვირვებლის  მისვლამდე 6 დამკვირვებელი კომისიის თავმჯდომარემ საარჩევნო უბნის გარეთ გაიყვანა – ფაქტს ყველა დამკვირვებელი ადასტურებდა, მათ შორის კომისიის თავმჯდომარე.

 

 

გარეთ გაყვანის მიზეზი კი როგორც  თავმჯდომარე და დამკვირვებლები  განმარტავდნენ, ის იყო, გაერკვიათ, რომელმა დამკვირვებელმდა დარეკა ოქლში და თქვა, რომ უბნიდან გატანილია თავმჯდომარის ბეჭედი.

 

ოლქის თავმჯდომარის თქმით, ყველა კომისიის წევრს  მისცემენ შენიშვნებს, აგრეთვე, კომისიის იმ წევრებს, რომლებსაც ოლქი ნიშნავს, მომდევნო არჩევნებში აღარ მისცემენ მონაწილეობის უფლებას.

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"