კოლინა და ახალი ზელანდიის რაგბის ნაკრების All Blacks-ის ყოფილი კაპიტანი ბათუმში


იტალიელი არბიტრი, პიერლუიჯი კოლინა ბათუმში  საერთაშორისო ბიზნესფორუმზე ჩამოვიდა. იგი მსმენელების წინაშე დღეს, 22 მაისს, მოხსენებით წარსდგა.

საერთაშორისო ბიზნესფორუმი IBF Batumi სასტუმრო „ეიფორიაში“ მიმდინარეობს და მასში მსოფლიო კლასის ექვსი სპიკერი და 14 ქვეყნის დელეგატი მონაწილეობს. როგორც ფორუმის პრესრელიზშია აღნიშნული, ეს კავკასიის მასშტაბით პირველი საერთაშორისო ბიზნესფორუმია, რომელიც აერთიანებს, ერთი მხრივ, მსოფლიო კლასის სპიკერებს, მსხვილი ბიზნესის და სახელმწიფოს წარმომადგენლებს, და მეორე მხრივ, სტარტაპებს, მცირე და საშუალო ბიზნესის ლიდერებსა და მედიას.

კოლინა, რომელიც „ფიფამ“ წლის ნომერ პირველ მსაჯად ექვსჯერ  აღიარა, ბათუმში მიმდინარე ბიზნესფორუმის ერთადერთი ცნობილი მონაწილე არ არის. ფორუმს ესწრება დანანჯაია ჰეტიარაჩი,  2014 წლის მსოფლიო ჩემპიონი საჯარო გამოსვლებში. ახალი ზელანდიის რაგბის ეროვნული ნაკრების All Blacks-ის ყოფილი კაპიტანი შონ ფიცპატრიკი, რომელსაც ხშირად მოიხსენიებენ როგორც ახალი ზელანდიის საუკეთესო მორაგბეს; ცნობილი ბიზნესტრენერი მარშალ გოლდსმიტი, „პორშეს“ და „ლამბორჯინის“ ყოფილი აღმასრულებელი დირექტორი კევინ გასკელი და სხვა ცნობილი სპიკერები.

მსოფლიოში ცნობილი სპიკერების მოსასმენად ბათუმს 800-მდე დელეგატი ეწვია. ბიზნესფორუმში მონაწილეობა ფასიანია.

 მარშალ გოლდსმიტი

მარშალ გოლდსმიტი

ზურაბ პატარაძე და პიერლუიჯი კოლინა

ზურაბ პატარაძე და პიერლუიჯი კოლინა

ბიზნესფორუმი

ბიზნესფორუმი

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.