Batumelebi | „ქართული ოცნების“ მხარდამჭერების კოლონა ბათუმისკენ „ქართული ოცნების“ მხარდამჭერების კოლონა ბათუმისკენ – Batumelebi
RU | GE  

„ქართული ოცნების“ მხარდამჭერების კოლონა ბათუმისკენ

 

„გაზეთ ბათუმელების“ ჟურნალისტის ინფორმაციით, მაღალმთიანი აჭარიდან ამ წუთებში „ქართული ოცნების“ მხარდამჭერების  ავტომანქანების კოლონა მოემართება. მანქანებს აწერია – ხულო, შუახევი, ქედა, ხელვაჩაური. ავტომანქანებზე გამოფენილი აქვთ „ქართული ოცნების“ დროშები და პლაკატები.

 

 

 

კოლონას მოაცილებს საპატრულო პოლიცია. პოლიცია შემხვედრ ავტომანქანებს „გატარებისკენ“ მოუწოდებს.

 

დღეს ქვეყნის პრემიერ-მინისტრი იმყოფებოდა მაღალმთიან აჭარაში. ამ დროისთვის ის უკვე ბათუმშია. ცნობილია, რომ ირაკლი ღარიბაშვილი დღეს საზოგადოებას წარუდგენს თვითმმართველობის არჩევნებზე „ქართული ოცნების“ კანდიდატებს. მაღალმთიანი აჭარიდან მხარდამჭერები სწორედ ამ ღონისძიებაზე დასასწრებად ჰყავს მართველ პარტიას მობილიზებული.

 

სახელისუფლო პარტიის მხარდამჭერი აქციის სამზადისის გამო, ბათუმის ცენტრალურ მოედანთან ტრანსპორტის მოძრაობა შეზღუდულია.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"