ბათუმში 30 მაისს სტიქიის შედეგად მიყენებული ზარალის ოდენობა დათვლილია. დღეიდან სტიქიის შედეგად დაზიანებული შენობების და საცხოვრებელი კორპუსების აღდგნეთი სამუშაოები დაიწყება. გადაწყვეტილება შესაბამისმა კომისიამ გუშინ მიიღო.
საცხოვრებელი სახლების დაზიანებული სახურავების აღდგენისთვის 200 000-მდე ლარი დაიხარჯება. ამ ეტაპზე, მუნიციპალიტეტის შესაბამისი სამსახურები საპროექტო ნახაზების შედგენაზე მუშაობენ.
სარეაბილიტაციო სამუშაოებისთვის ტენდერი გამარტივებული წესით გამოცხადდება. შესყიდვებს “ა(ა)იპ ბათუმის კორპუსი” განახორციელებს.
