Batumelebi | ქედაში ღვინის საწარმოს მშენებლობას ჩაეყარა საფუძველი ქედაში ღვინის საწარმოს მშენებლობას ჩაეყარა საფუძველი – Batumelebi
RU | GE  

ქედაში ღვინის საწარმოს მშენებლობას ჩაეყარა საფუძველი

 

დღეს, 3 ივნისს, ქედაში ღვინის ქარხნის მშენებლობას ჩაეყარა საფუძველი. საძირკველის ჩაყრაში მონაწილეობა ქარხნის მშენებელ „კახური ტრადიციული მეღვინეობის“ ხელმძღვანელთან, ზურაბ ჩხაიძესთან ერთად, აჭარის მთავრობის თავმჯდომარემ არჩილ ხაბაძემ მიიღო.

 

საძირკველის ჩაყრის შემდეგ ზურაბ ჩხაიძემ ცნობილ ქედელ ფერმერებს 150 ძირი ჩხავერი სიმბოლურად, უსასყიდლოდ გადასცა.

 

ღვინის ქარხნის საძირკველის ჩაყრას ქედაში არჩილ ხაბაძესთან ერთად აჭარის სოფლის მეურნეობის მინისტრი ზაურ ფუტკარაძე, ქედის მაჟორიტარი დეპუტატი საქართველოს პარლამენტში იაშა შერვაშიძე და ადგილობრივი ხელისუფლების წარმომადგენლებიც ესწრებოდნენ.

 

ნეტგაზეთის მასალების სხვა გამოცემებში გადაბეჭდვის წესი
ეკა ბარამიძე