წუხელ გვიან ღამით ქობულეთის მუნიციპალიტეტში, სოფელ ოჩხამურში მკვლელობა მოხდა. შინაგან საქმეთა სამინისტროს ცნობით, ქმარმა ცოლი მოკლა და შემთხვევის ადგილიდან მიიმალა.
სამინისტროს პრესსამსახურის ცნობით ამჟამად აჭარის მთავარი სამმართველო აწარმოებს სამძებრო ღონისძიებებს მკვლელობაში ეჭვმიტანილის დასაკავებლად.
გამოძიება 109-ე მუხლით მიმდინარეობს (განზრახ მკვლელობა დამამძიმებელ გარემოებაში).
