ნაციონალური მოძრაობის „ერთგულების სია“ თვითმმართველობის არჩევნებზე

 

ბათუმში ერთიანმა ნაციონალურმა მოძრაობამ ადგილობრივი  თვითმმართველობის არჩევნებისათვის საარჩევნო სიის პრეზენტაცია გამართა.  

„ეს არის ერთგვარი ერთგულების სია“ – განაცხადა პარტიული სიის პირველმა ნომერმა, ბათუმის საკრებულოს ყოფილმა თავმჯდომარემ გიორგი კირთაძემ და იქვე დასძინა:

„ბათუმის საარჩევნო სიის ათეული შედგება იმ ადამიანებისაგან რომლებმაც ყველაზე რთულ დროს ( ვგულისხმობ წაგებულ არჩევნებს ოქტომბერში),  შეინარჩუნეს ღირსება და არ უღალატეს საკუთარ პრინციპებს.  ყველა ეს ადამიანი წარმოდგენილია სიის ათეულში. მათგან გიორგი დიასამიძე გახლავთ მერობის კანდიდატი, ხოლო პირველი შვიდი გახლავთ ის ადამიანები ვინც დღესაც არიან ბათუმის საკრებულოში ერთიანი ნაციონალური მოძრაობის  ფრაქციებში.  ყველა ის ადამიანი ვინც სიაშია და ვინც მაჟორიტარია ბუნებრივია შერჩეული არიან თავიანთი პროფესიონალიზმით, პატიოსნებით, პატრიოტიზმით და  საქმისადმი ერთგულებით“.

ნაციონალური მოძრაობის პარტიული სიის პირველი ათეული ასე გამოიყურება:

1. გიორგი კირთაძე

2. ნოდარ დუმბაძე

3. ჯუმბერ კახიძე

4. ნაზი ფუტკარაძე

5. მანანა ილურიძე

6. გიორგი კავაზაშვილი

7. გოდერძი ტოტოჩავა

8. ირაკლი მექვაბიშვილი

9. მირდატ ქამადაძე

10. ნინო ასამბაძე

ადგილობრივი თვითმმართველობის არჩევნებზე ბათუმის საკრებულოში მოსახვედრად ნაციონალური მოძრაობიდან სულ 30 კანდიდატი იბრძოლებს, აქედან 12 ქალია.

ნეტგაზეთის მასალების სხვა გამოცემებში გადაბეჭდვის წესი
მანანა ქველიაშვილი