Batumelebi | 197 კონკურსანტი 19 ვაკანსიაზე 197 კონკურსანტი 19 ვაკანსიაზე – Batumelebi
RU | GE  

197 კონკურსანტი 19 ვაკანსიაზე

 

აჭარის ფინანსთა და ეკონომიკის სამინისტროში ადმინისტრაციული თანამდებობების დასაკავებლად საკონკურსო ტესტირებ, ბათუმის შოთა რუსთაველის სახელმწიფო უნივერსიტეტში  მიმდინარეობს. ტესტირება დღეს დაიწყო და ხვალ დასრულდება.

 

19 ვაკანტურ თანამდებობის დასაკავებლად 197 კონკურსანტი იბრძვის. კონკურსანტები საქართველოს ფინანსთა სამინისტროს ვებ-გვერზე ონლაინ რეჟიმში აბარებენ ტესტს.  კითხვების მეშვეობით მოწმდება კონკურსანტების მიერ საკანონმდებლო აქტების, კომპიუტერული პროგრამისა და ინგლისური ენის ცოდნა.

აჭარის ფინანსთა და ეკონომიკის სამინისტრომ კონკურსი 2014 წლის 2 აპრილს გამოაცხადა. კონკურსი საქართველოს ფინანსთა და ეკონომიკის სამინისტროს აკადემიის ორგანიზებით ტარდება.

კონკურსი სამ ეტაპად მიმდინარეობს და შედეგად აჭარის ფინანსთა სამინისტროში  სხვადასხვა დეპარტამენტებისა და განყოფილებების უფროსები და მთავარი სპეციალისტები დაინიშნება.

პირველ ეტაპი სააპლიკაციო ფორმების გადაგზავნა შერჩევას მოიცავდა, მეორე ეტაპი კი ტესტირებაა. კონკურსის ბოლო ეტაპი გასაუბრება იქნება, რომელიც აჭარის ფინანსთა და ეკონიმიკის სამინისტროში ჩატარება. როგორც გიორგი რაზმაძე აღნიშნავს, გასაუბრების თარიღი უცნობია და ის აჭარის ფინანსთა და ეკონომიკის სამინისტრომ უნდა დანიშნოს.

შედეგებს აჭარის ფინანსთა და ეკონომიკის სამინისტრო რამდენიმე დღეში ოფიციალურად გამოაქვეყნებს.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი